Disa muaj më parë, moderatorja Dajana Shabani foli për herë të parë rreth divorcit të saj dhe zbuloi arsyen që e çoi çiftin drejt këtij vendimi.

Dajana tregoi se ish-bashkëshorti e kishte tradhtuar dhe ajo nuk e falte dot tradhtinë. Për këtë arsye ata ishin divorcuar.

Këto kohë, moderatorja ka ardhur në vëmendjen e mediave për shkak të romancës së saj me boksierin kosovar, Kamer Maloku.

Por, si i ka Dajana raportet me ish-bashkëshortin, me të cilin ka edhe një vajzë?

Ditën e sotme moderatorja i ka befasuar ndjekësit në rrjete sociale, pasi ka publikuar si rrallëherë një foto me ish-partnerin, babain e Marlenës, ndërsa krahas saj i bën një dedikim:

“Babi i Marlenës! Që është gjithmonë për mua! Shoku im i përjetshëm”- janë fjalët e saj.

Me këtë postim, Dajana ka lënë të kuptohet se pavarësisht divorcit, ata vazhdojnë të kenë jo vetëm komunikim, por edhe shoqëri me njëri-tjetrin.

Të dy po kujdesen që Marlenës të mos i mungojë as dashuria dhe as vëmendja e dy prindërve të saj.