Çani zbulon ndryshimin që i ka ndodhur me kalimin e viteve
Nuk ka asgjë për t'u habitur në vlerësimin e tipareve të rinisë. Të gjithë duan të jenë energjikë, pa thinja dhe pa rrudha. Megjithatë, tej pamjes, janë disa cilësi që vetëm vitet t'i falin.

Arian Çani, edhe pse nuk duket nga ata tipat që do shkëmbente urtësinë e moshës me rininë, ka pranuar sot në programin e paradites së Arjola Shehut "Kush vjen për drekë", që një ndryshim pozitiv i ka ndodhur. Ai nuk e ka thënë këtë, por kështu duket.

Arjola e ka pyetur cilin personazh nuk do ftonte më në emision dhe ai është përgjigjur që është në një moshë kur nuk ka më njeri inat. Dhe kjo duket shumë mirë.

"Mosha juaj, ka thënë Çani, mund të ketë energji negative, kurse unë e kam kaluar këtë" shkruan Class.

Ndoshta Çanin e ndihmon dhe vrapi për të shkarkuar energjinë negative. Gjithsesi, po të jetë vërtetë mosha, sapo na tregoi një të mirë të saj.
Shtuar më 21/09/2017, ora 16:40

Shkruani komentin tuaj!
Të fundit nga kjo kategori