Ekzistojnë disa portale anonime që bëjnë lajme vetëm për klikime duke u bazuar në gënjeshtra dhe sajime të pafundme. Një prej tyre ka bërë një lajm që shkruan se aktori i humorit Bes Kallaku dhe Xhnesila janë aksidentuar dhe janë në gjendje të rëndë për jetën. Kjo gjë e ka acaruar Besin i cili i ka ‘demaskuar’ publikisht.

Aktori ka publikuar një ‘printscreen’ ku shihet lajmi i rremë dhe krahas tij shprehet se portale të tilla duhet të kenë turp që abuzojnë në mënyrë të tillë vetëm për disa klikime.

“Fake news. Gjithcka ka nje limit, deri ktu jo, nuk mund te kuptohet dhe as te pranohet nje lajm apo nje titull i tille per disa klikime me shume. Turp dhe injorance e madhe te abuzosh ne kte menyre. Lavdi Zotit jemi mire vete dhe ska ndodhur asgje, por po na le zemra Ijen, mamane, prindrit e familjaret duke lexu keto idiotsira qe perhapen pa filtra,”- shkruan Kallaku krahas fotos.