21-vjeçari Lee Vernon, akuzohet për vrasje me dashje të djalit të tij McKenzie Ellis.

Vogëlushi pësoi fraktura në 28 kocka dhe për pasojë edhe hemorragji cerebrale, e cila i shkaktoi vdekjen.

Gjithçka ndodhi pasi babai i ri nuk duronte dot të qarat e fëmijës dhe teksa ndodhej në shtëpi vetëm me të në Broadstairs, të Kent, Angli, ai humbi toruan dhe e tundi furishëm të miturin.

McKenzie kishte vetëm 47 ditë që kishte ardhur në jetë, kur u dërgua në spital në gjendje të rëndë. Mjekët bën gjithçka për ti shpëtuar jetën, por dëmtimet e shkaktuara nga tundja ishin aq të rënda, sa që babai u denoncua.

I riu mohoi çdo agresion, por më tej gjatë marrjes në pyetje, u dorëzua dhe në seancën e kësaj të enjteje u deklarua fajtor.

Autopsia në trupin e fëmijës, evidentoi dëmtimet në kockat e fëmijës, çka ngjalli dyshime se i mituri mund të ketë pësuar edhe lëndime të ngjashme më parë.

Në 29 nëntor, Vernon do të përballet me seancën e fundit gjyqësore, kur do të jepet dënimi përfundimtar ndaj tij, për ngjarjen e ndodhur në korrik 2018.