Një përplasje me armë zjarri është regjistruar ditën e sotme rreth orës 10 e 30, në qytetin e Elbasanit.
Ngjarja mësohet se ka ndodhur në afërsi të Krastës. Nga të dhënat e para dyshohet se ka mbetur i plagosur Ardian Çapja.
Gjithashtu, mësohet se forcat e policisë kanë gjetur një automjet të djegur në vendin e njohur si “Fushë-Mbret”.
Në brendësi të makinës ka pasur edhe fishekë të cilët kanë plagosur punonjësin e zjarrfikëses i cili ndodhet në spital duke marrë ndihmën e parë mjekësore.
Policia po punon për zbardhjen e shkaqeve si dhe identifikimin e autorëve.