Adi Krasta e Armina Mevlani, prezantuesit e "Dancing with th Stars"
Adi Krasta
Edicioni i katërt i "Dancing With The Stars" është në prag të fillimit. Producentja Holta Dulaku, edhe sivjet është duke mbledhur personazhet më të rëndësishme të vendit, për t’i çuar drejt palestrave e për t’i shndërruar në yje të kërcimit. Formati është po ai që kemi parë në këto vite, por risitë e këtij edicioni janë të shumta.

Prezantimi i spektaklit gjigant i është besuar një emri që nuk dështon kurrë, Adi Krasta. Do të jetë ai që do të përcjellë nga ekrani i "Vizion Plus", aventurën e yjeve të "Dancing", deri tek zgjedhja e fituesit. Ndërkohë që, emocionet nga "Gold Room"-i, vendi ku konkurrentët bashkë me balerinët profesionistë vendosen gjatë spektaklit, do të na i zbulojë bukuroshja Armina Mevlani.

Juria që do të vlerësojë me pikët e famshme kërcimet javë pas jave, do të plotësohet edhe nga opinionet e anëtares më të re, por mjaft të njohur për publikun, Ema Andrea.

Duke qenë se Ema dikur ka qenë balerinë dhe sot është një aktore e suksesshme, produksioni ka menduar ta bëjë pjesë të jurisë së sivjetshme.

Pritet që emrat e VIP-ave që do të konkurrojnë njëri-tjetrin në kërcim të jenë mjaft të njohur dhe nga fusha të ndryshme, mirëpo deri tani njerëzit pranë producentes Dulaku janë treguar mjaft të fshehtë dhe për pasojë nuk kemi të konfirmuar asnjë prej tyre. /albeu.com/
Shtuar më 08/09/2013, ora 12:15
Shkruani komentin tuaj!
Të fundit nga kjo kategori