Një video është duke qarkulluar në rrjete sociale, ku një punonjës në spitalin e Tetovës, me profesion anestezit në repartin e Gjinekologji, ka xhiruar gratë, paciente në njërën nga sallat, “live në TikTok”.
Sapo rasti është bërë publik, drejtori i Spitalit është nisur drejt Sektorit të Punëve të Brendshme për ta raportuar.
Ministria e Punëve të Brendshme është pyetur nga TV21 në lidhje me ngjarjen, por thanë se pa pasur një denoncim dhe deri “në dokumentimin e rastit”, nuk mund të dalin me qëndrim për masat ndëshkuese.
Në bazë të ligjit të mbrojtjes shëndetësore, pacientët kanë të drejtë për mbrojtjen e privatësisë, në këtë rast, për çfarë dyshohet se ka bërë shkelje nëpunësi i spitalit gjinekologjik në Tetovë!
