550 mijë dollar operacione për tu dukur si Kim Kardashian, zhgënjen modelja

Një modele ka shpenzuar 550 mijë dollarë për t’u transformuar si Kim Kardashian, megjithëse rezultati është zhgënjyes.

Jennifer Paloma, 26 vjeç nga Sao Paolo, e cila iu nënshtrua 9 operacioneve brenda 24 orëve për një shfaqje televizive, thotë se ka ndryshuar pothuajse çdo pjesë të trupit.

Paloma pranon se nisi të frymëzohej nga fakti se njerëzit e krahasonin me Kim Kardashian ndaj mendoi se do të ishte diçka e mirë për karrierën e saj.

“Kam bërë më shumë se 20 ndërhyrje: dy operacione në hundë dhe dy operacione për gjoksin, ndërhyrje tek pjesa e vitheve, tetë herë fillers tek këmbët, faqet, buzët, qafa etj.”

Modelja nisi të mendonte për operacionet plastike fill sapo u lidh me Celso Santebanes, model që njihet si Ken i Brazilit (i dashuri i Barbie-t) shkruan metro.

Kur Santebanes vdiq nga leuçemia në 2015-, Jennifer-it iu propozua të merrte pjesë në një shfaqje televizive ku do t’i nënshtrohej një transformimi të plotë të trupit.

Në vijim, edhe pas mbarimit të shfaqjes, ajo vazhdoi me operacionet pasi thuhet se e ndihmonin të kapërcente vështirësitë e depresionit.

Edhe pse rezultati është paksa zhgënjyes, pasi realisht Jennifer nuk ngjan me Kim Kardashian pas kaq shumë ndërhyrjesh, ajo thotë se ndihet mirë dhe “çdo operacion e bën të lumtur”.
Shtuar më 18/01/2019, ora 18:17

Shkruani komentin tuaj!
Të fundit nga kjo kategori