30 vite pas divorcit, ish-presidenti martohet përsëri me të njëjtën grua (FOTO LAJM)

Ish-Presidenti argjentinas Carlos Menem do të martohet përsëri me ish-bashkëshorten e tij Zulema Yoma, me të cilën u divorcua në mënyrë skandaloze në vitin 1991.

Lajmi u konfirmua nga avokati Mauricio D lessAlessandro.

Dyshja kanë qenë martuar më 7 shtator të vitit 1966 dhe tani ata do të organizojnë përsëri një dasmë, rreth 30 vite pas divorcit.

Çifti kishte dy fëmijë, Carlitos Menem, i cili vdiq më 15 mars të vitit 1995, në moshën 26 vjeçare, kur u rrëzua me helikopter në Buenos Aires, dhe Zulema María Eva Menem, e cila pas ndarjes së prindërve të saj në kohën kur i ati qe president, u bë Zonja e Parë e Shtetit.

Pas divorcit, Yoma dhe Menem kanë patur shumë konfrontime për vite me radhë, saqë ajo e fajësonte për vdekjen e djalit të tyre. Ish-presidenti u martua në vitin 2001 me ish-modelen dhe shoferin kiliane Cecilia Boloço, por në vitin 2007 ata u divorcuan. Ata kanë një djalë sëbashku: Máximo Menem.

Me kalimin e kohës dhe falë vajzës së tyre Zulemitës dhe nipërve, Yoma dhe Menem u afruan përsëri me njëri tjetrin dhe bënë paqe në vitin 2016.

Ish-presidenti po kalon një moment delikat shëndetësor dhe ai u shtrua përsëri në spital mëngjesin e të enjten në Sanatoriumin e Los Arcos.

Shtuar më 21/07/2020, ora 10:45

Shkruani komentin tuaj!
Të fundit nga kjo kategori