Siria miraton shpërndarjen e ndihmave në zonat e prekura nga tërmeti

Media shtetërore siriane thotë se qeveria tani ka dhënë leje që ndihma ndërkombëtare e destinuar për viktimat e tërmetit të dërgohet në territorin e kontrolluar nga rebelët përtej linjave qeveritare, raporton agjencia e lajmeve Reuters.

 

Ata thanë se shpërndarja e ndihmave do të mbikëqyret nga Komiteti Ndërkombëtar i Kryqit të Kuq dhe Gjysmëhënës së Kuqe Siriane me ndihmën e OKB-së.

Nëse ecet përpara me planin, masa do të ishte një hap shumë i mirëpritur për ata që jetojnë në zonat nën kontrollin e grupeve rebele në veri të Sirisë, të cilët deri më tani kanë marrë vetëm ndihmë të kufizuar në formën e kamionëve me ndihma të OKB-së që kanë udhëtuar përtej kufirit me Turqia.

Ndërkohë, zyra e OKB-së për të drejtat e njeriut ka kërkuar që të arrihet një armëpushim i menjëhershëm në Siri pas tërmetit.


Shtuar 10.02.2023 17:21

Tags: ,