Mediat franceze kanë konfirmuar se të paktën 16 vetë janë arrestuar në lidhje me një grabitje të armatosur ndaj Kim Kardashian West në Paris, gjatë muajit tetor të vitit të kaluar. Sa i takon grabitjes, policia franceze tha se gjurmët e ADN-së, të lëna në vendngjarje, çuan në arrestimet.

Personat janë arrestuar në disa operacione të kryera herët në mëngjes në rajonin e Parisit. 36-vjeçarja, nënë e dy fëmijëve, e martuar me reperin Kanye West, tha se ajo kishte pasur frikë se do të vritej nga grabitësit.

Kardashian West ndodhej në kryeqytetin francez për javën e modës në Paris, bashkë me të ëmën, Kris Jenner dhe motrën e saj, Kendall Jenner.

Kanye West ishte në skenë në një spektakël në Nju Jork në kohën e grabitjes, e pasi mori lajmin u tha fansave: Më vjen keq, emergjencë familjare. Duhet të largohem! /albeu.com/