Janë zbardhur detaje të reja nga incidenti i ndodhur në Rinas, në orën 16:15 ku një avion i vogël privat ka pësuar defekt në goma dhe ka dalë jashtë piste në kohën kur po ulej në Rinas.
Burimet bëjnë me dije se avioni vinte nga Zvicra dhe në bord gjendej vetëm piloti me familjen e tij.
Mësohet se incidenti ka ndodhur për shkak se avionit privat nuk i është hapur goma duke bërë që ai të përplaset në Rinas. Mësohët se nga ky incident nuk ka asnjë shettas të lënduar.
NJOFTIMI I TIA:
Aeroporti Ndërkombëtar i Tiranës jep njoftim zyrtar lidhur me incidentin me një avion në pistë. Incidenti ka ndodhur në orën 16:15 të pasdites së sotme, ku një avion privat që vinte nga Zvicra pësoi avari gjatë uljes për shkak se nuk iu hapën rrotat. Në bord gjendeshin 4 persona, piloti me gruan dhe dy fëmijët, dhe fatmirësisht nuk ka asnjë të lënduar.
“Aeroporti Ndërkombëtar i Tiranës njofton se në orën 16:15 të datës 28 Shtator 2021, një avion i vogël model Beechcraft me regjistrim zviceran HB-EFH, me 4 persona në bord, dy të rritur dhe dy fëmijë, të gjithë shtetas zviceranë, bëri ulje të detyruar në mes të pistës pasi pësoi një avari në sistemin e rrotave. Pasagjerëve u dha ndihma e parë menjëherë. Fatmirësisht nuk ka asnjë të lënduar dhe të katërt gëzojnë shëndet të plotë.
Pas lajmërimit të Organit Kombëtar të Investigimit të Incidenteve Ajrore dhe kryerjes së investigimit në zonën e pistës, avioni u zhvendos nga pista, si pasojë, operimet në Aeroportin Ndërkombëtar të Tiranës, u pezulluan për 1 orë e 45 minuta. Fluturimet rifilluan.TIA mbetet në dispozicion të çdo pasagjeri dhe falenderon të gjithë udhëtarët për bashkëpunimin dhe mirëkuptimin”, njofton TIA. /albeu.com/
