Një Fast-Food në Gjirokastër është përfshirë nga flakët në Pazarin karakteristik. PMNZSH ka shkuar menjëherë në vendngjarje për ta bërë të mundur shuarjen e flakëve origjina e të cilave ngelet mister deri më tani.
Nga zjarri ka vetëm dëme materiale. Fast-Food është në pronësi të Agron Muçës.
Njoftimi i policisë:
Rreth orës 9:15, në lagjen “Pazar i Vjetër”, Gjirokastër, në ambientet e lokalit të shtetasit A. M., 65 vjeç, banues Gjirokastër, ka marrë flakë një frigorifer. Si pasojë janë shkaktuar dëme të vogla materiale.
Menjëherë, në vendngjarje shkuan shërbimet e Zjarrfikëses dhe të Policisë.
Nga veprimet hetimore dyshohet se zjarri ka rënë për shkak të një defekti teknik.
Në vendngjarje ndodhet grupi hetimor, i cili po punon për zbardhjen e rrethanave të ngjarjes./albeu.com
