Vitamina B6 mbron duhanpirësit nga kanceri
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Vitamina B6 dhe metionina gjenden në mish, peshq, pemët me gëzhojë, perime dhe banane

Duhanxhinjtë të cilët kanë një përqendrim më të lartë të vitaminës B6 dhe të aminoacideve të caktuara esenciale në gjak, janë më pak të rrezikuar nga kanceri i mushkërive, krahasuar me duhanxhinjtë të cilët kanë mungesë të këtyre substancave, thuhet në studimin e Agjencisë britanike për studimin e kancerit (IARC).

Shkencëtarët e IARC-së thonë se ndoshta kjo e dhënë është kyçe për të shpjeguar pse disa duhanxhinj sëmuren nga kanceri i mushkërive, e të tjerët jo.

Në 90% të rasteve, kanceri i mushkërive shkaktohet nga pirja e duhanit. Midis 10 dhe 15% të duhanxhinjve preken nga kjo sëmundje.

Kërkuesit shkencorë të IARC-ut, në studimin e tyre kanë përfshirë 900 të sëmurë nga kanceri i mushkërive, pjesën më të madhe duhanxhinj dhe kanë konstatuar se përqendrimi i ultë i vitaminës B6 dhe i aminoacidit metioninë e rrisin rrezikun nga paraqitja e kësaj sëmundjeje.

Vitamina B6 dhe metionina gjenden në mish, peshq, pemët me gëzhojë (arra, lajthia...), perime dhe banane.

"Kjo dmth se ushqimi luan rol të rëndësishëm në paraqitjen e kancerit të mushkërive, por është tepër herët të thuhet se vetëm me ndryshimin e mënyrës së të ushqyerit mund të evitohet kjo sëmundje", thotë udhëheqësi i studimit, Paul Brennan, rezultatet e të cilit janë botuar në revistën e Shoqatës së mjekëve amerikanë (JAMA).
Shtuar më 29/02/2012, ora 18:52
Shkruani komentin tuaj!
Të fundit nga kjo kategori
 
Taulant dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Taulant dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian