Pesë persona kanë vdekur pasi një punonjës hapi zjarr në një bankë në Louisville, Kentucky. Ai madje e transmetoi live në Instagram sulmin, thotë policia.
Viktimat ishin të moshës nga 40 deri në 64 vjeç.
Nga sulmi mbet%n dhe 9 të plagosur, mes tyre dhe një oficer policie rishtar. Oficeri u qëllua në kokë dhe është ende në gjendje kritike pas operacionit në tru.
Policia u përgjigj brenda tre minutave dhe qëlloi për vdekje sulmuesin në një shkëmbim zjarri.
Të shtënat ndodhën në Bankën e Vjetër Kombëtare në qendër të qytetit rreth orës 08:30 me orën lokale (12:30 GMT).
Caleb Goodlett u tha mediave lokale gruaja e tij, një punonjëse në bankë, u mbyll brenda kasafortës kur filloi sulmi.
Dëshmitarë të tjerë përshkruan se kishin parë shkëmbimin e zjarrit midis oficerëve të policisë dhe sulmuesit të vetëm.
Viktimat:
Thomas Elliot, 63 vjeç
James Tutt, 64 vjeç
Joshua Barrick, 40 vjeç
Julianna Farmer, 45 vjeç
Deana Eckert, 57 vjeç
