Si të kujdesemi për këmbët në kushte shtëpie
Gjatë ditës ne mund të kryejmë aktivitete të ndryshme që na lodhin dhe për më tepër këmbët, të cilat shpesh mund të enjten. Për të lehtësuar sadopak dhimbjen e këmbëve gjatë ditës mund të ndiqni këto këshilla për çdo problem.

Kur ju dhembin në fund të ditës:
Hidhni gjysmë gotë uthull të bardhë në një legen me ujë dhe vendosini këmbët në mbrëmje.

Kallo në shputa:
Masazhojeni në mëngjes dhe mbrëmje me një tampon pambuku të lagur me lëng limoni.

Kundër morthit:
Aplikoni kompresa me lëngun e gjetheve të arrave. Këtë lëng mund ta përgatisni kështu: Hidhni në 500 gram ujë të nxehtë një grusht gjethesh, pas 10 minutash filtrojeni lëngu, përdoreni të vakët.

Këmbë të fryra:
Vendosini sipër disa feta patatesh të cilat kanë efekt thithës. Ndjesia e rëndesës në këmbë qetësohet duke i futur këmbët për 20 minuta në një legen me ujë të vakët ku keni tretur më parë dy grushte me kripë të ashpër. /albeu.com/
Shtuar më 12/08/2015, ora 11:04
Shkruani komentin tuaj!
Të fundit nga kjo kategori