Qumësht për të zbardhur dhëmbët në mënyrë natyrale
Bardhësia e dhëmbëve i jep bukuri dhe shkëlqim fytyrës tuaj.
Një studim i fundit i publikuar në revistën "Journal of Dental Hygiene" tregon se me kohën dhëmbët fillojnë të marrin ngjyrë, varësisht nga ushqimet që konsumojmë, e sidomos nga pirja e rregullt e kafesë, e çajit dhe e duhanit.

Mirëpo, ka një mënyrë që ata ta ruajnë ngjyrën e bardhë. Është konsumimi i qumështit.

Atyre që u pëlqen qumështi, nuk duhet të harrojnë ta shtojnë edhe në kafe apo çaj, dhe si rezultat do të kenë dhëmbë më të bardhë.

Studiuesit thonë se qumështi madje është edhe më efektiv se zbardhuesit industrialë që ofrohen në formë paste dhëmbësh.

“Çaji është pija e dytë më e konsumuar në botë dhe ndikon në njollosjen e dhëmbëve. Por nëse çajit i shtojmë qumësht, ne ulim menjëherë mundësinë e njollosjes së dhëmbëve”, ka thënë Ava Chow , mjeke në Universitetin Dentar në Alberta.

Çaji përmban tanina, një lëndë me ngjyrë të errët, e cila ngel në dhëmbë. Por kaseina që është proteina kryesore te qumështi, bllokon taninën, duke parandaluar ngjyrosjen e dhëmbëve./Albeu.com/

Shtuar më 14/03/2017, ora 16:08

Shkruani komentin tuaj!
Të fundit nga kjo kategori