Peshku, ilaç magjik për trurin
Vitaminat dhe proteinat e tij të rralla, të cilat nuk gjenden në asnjë produkt tjetër ushqimor, janë të domosdoshme për sistemin nervor, muskujt dhe kockat.

Studiuesit paralajmërojnë se duhet konsumuar të paktën dy herë në javë dhe nga ai lloj që është shumë i pasur me yndyra omega-3 dhe i varfër me mërkur. Këto substanca luajnë një rol të rëndësishëm në zhvillimin e trurit të fëmijëve. Më i miri është pa diskutim merluci, që përmban pak yndyra omega-3, por edhe përqendrim më të ulët të mërkurit.

Vitaminat dhe proteinat e tij janë të domosdoshme për sistemin nervor, muskujt dhe kockat. Po ashtu, ata përmbajnë edhe kalcium, fosfor dhe jod, i nevojshëm për prodhimin e hormoneve të tiroideve e mjaft i rëndësishëm për krijimin e embrionit të bebes.

Por nuk duhen lënë pa përmendur edhe elemente si fluori, kobalti, magnezi, kaliumi, bakri dhe seleniumi. Në të gjendet edhe një sasi e madhe vitaminash, ku më e rëndësishmja është vitamina A, që vepron kundër dobësimit të shikimit në errësirë, vitamina D, e domosdoshme për forcimin e kockave dhe kundër rakitizmit te fëmijët, dhe vitaminat B, B2, B6 dhe B12.

Është i pasur me omega-3, acide yndyrore të pangopura ose mbrojtëset më të mira ndaj sëmundjeve kardiovaskulare. Janë këto acide që ndihmojë të jesh energjik, të shtojnë tonalitetin e muskujve dhe të ulin peshën e tepërt.
Shtuar më 14/05/2011, ora 10:30

Shkruani komentin tuaj!
Të fundit nga kjo kategori