Papa Françesku pagëzon fëmijën e gruas që refuzoi abortin
Anna Romano, një 35 vjeçare e tradhëtuar po ashtu dhe e mashtruar i shkruan një letër Papa Françeskut ku shpreh gjithë dhimbjen dhe vuajtjet që po kalonte.

Ndërsa Papa ka lexuar historinë e treguar nga vete Anna ka vendosur që ta pagëzojë femijën e saj ende të palindur. Ajo i ka treguar Papa Françeskut se ishte dashuruar me një mashkull por ai ishte i martuar me një tjetër, ndërkohë që pret një fëmijë nga ai dhe ka vendosur ta rrisë e vetme.

Pavarësisht presionit të ushtruar nga burri i martuar për të abortuar, pasi nuk donte fëmijë tjetër, ajo vendosi që ai fëmijë të jetë pjesë e kësaj bote.

”Nuk prisja ndonjëherë të merrja përgjigje. Madje, letrës as nuk e dorëzova normalisht, duke i vendosur pullë apo e regjistruar, por thjesht e futa në një kuti postare. Pastaj, një ditë pashë një telefonatë nga Roma, me një prefiks të ndryshëm telefonik (06, ai i Vatikanit) dhe sapo personi në anën tjetër të telefonit nisi të fliste, e njoha atë si Papa.

Mbeta e shtangur, por ai më tha që kishte lexuar letrën time dhe që donte të më thonte se nuk isha e vetme e se ishte i shqetësuar për mua. Ndonëse ishte vetëm një telefonatë, zemra ime u mbush me një gëzim të parrëfyeshëm dhe në të njëjtin moment foshnja nisi të shkelmonte”, rrëfeu historinë e saj prekëse Anna. /albeu.com/
Shtuar më 06/09/2013, ora 17:49
Shkruani komentin tuaj!
Të fundit nga kjo kategori