Mega operacioni "Volvo 4", 27 të arrestuar, 6 nuk janë kapur
Mos i injoroni dhimbjet e shpinës në moshë të re
Pëlqej
Edhe pse është një problem i zakonshëm në të gjithë botën, shkencëtarët paralajmërojnë se mund të ketë pasoja të rënda. Një studim i ri sugjeron se personat që vuajnë nga dhimbjet e shpinës kanë 13% më shumë rrezik që të vdesin para kohe.

Shumë pak studime janë përqendruar tek lidhja mes jetëgjatësisë dhe dhimbjeve të shpinës tek të moshuarit.

Ndërsa hulumtuesit shkencorë nga Universiteti i Sidneit u fokusuan tek lidhja mes shkallës së vdekshmërisë dhe dhimbjeve të shpinës tek më shumë se 4000 njerëz mbi moshën 70 vjeç.

“Është një zbulim i rëndësishëm, duke qenë se shumë njerëz mendojnë se dhimbja e shpinës nuk rrezikon jetën”, thotë autori kryesor i studimit, dr. Paulo Ferreria.

“Këto rezultate tregojnë se duhet të bëhen më shumë kërkime shkencore, sepse, ndoshta e dimë që ka një lidhje mes dhimbjes së shpinës dhe vdekshmërisë, por nuk e dimë akoma përse ndodh kjo”.

Dhimbja e shpinës mund të jetë si pasojë e shëndetit të dobët dhe mundësisë së pakët për të lëvizur, që rrisin rrezikun e vdekshmërisë tek të moshuarit”.

Dhimbja e shpinës, e renditur si një nga shkaqet kryesore të aftësisë së kufizuar tek njerëzit, normalisht mund të përmirësohet brenda pak javësh ose muajsh.

Mendohet se prek 4 në 5 njerëz në një periudhë të jetës së tyre, ku shumica e rasteve shkaktohen nga mbajtja e objekteve të rënda. Një pjesë e tyre mund të shërohen shumë shpejtë, siç ka edhe raste kur dhimbja zgjat për disa vite ose rikthehet herë pas here.

Për pacientët që vuajnë nga dhimbja e shpinës mjekët zakonisht rekomandojnë ilaçe. Por, studimet e fundit kanë treguar se në fakt nuk ka ilaçe efektive për këtë problem, dhe mënyra më e mirë për ta trajtuar atë është nëpërmjet fizioterapisë dhe ushtrimeve fizike. /albeu.com/
Shtuar më 22/09/2018, ora 15:20
Shkruani komentin tuaj!
Të fundit nga kjo kategori