Kur sistemi i tretjes ka probleme, trupi juaj reagon kështu
Sistemi juaj i tretjes është një pjesë komplekse dhe e gjerë e trupit, duke filluar nga goja deri në rektum.

Sistemi i tretjes është përgjegjës për largimin e mbeturinave dhe për të ndihmuar trupin tuaj që të absorbojë ushqyesit vitalë.

Duke pasur parasysh natyrën e ndryshme të simptomave të problemeve me tretjen, është krejtësisht e mundur t’i ngatërroni problemet “e vogla” me ato që kërkojnë trajtimin e përshtatshëm.

E pra, për fatin tuaj, ne jemi këtu për t’ju qartësuar. Kështu që vazhdoni…

Këtu janë pesë shenja që paralajmërojnë se sistemi juaj i tretjes nuk po funksionon siç duhet dhe si ta rregulloni këtë problem!

– Sëmundja e zbaticës gastrofageale

Urthi është një problem sporadik i shumë të rriturve. Ajo që ndodh është që ezofagu krijon rezerva me acidin e stomakut, duke shkaktuar dhimbje gjoksi dhe ndjesi djegie.

Djegia kronike mund të tregojë për një gjendje të quajtur sëmundja e zbaticës gastrofageale ose GERD. GERD mund të interferojë në jetën e përditshme dhe të dëmtojë ezofagun potencialisht.

Simptomat e GERD janë:

– Shqetësime në kraharor

– Vështirësi për t’u gëlltitur

– Kollë e thatë

– Shije e thartë në gojë

Dhimbje fyti

Si ta rregulloni: GERD është një gjendje mjekësore që kërkon një ekzaminim, diagnozë dhe trajtim potencial.

Shumë nga simptomat mund të eliminohen duke modifikuar marrjen e ushqimit, duke ngrënë me një ritëm më të ngadalshëm, ose madje duke eliminuar ushqime yndyrore dhe me erëza.

– IBD (sëmundje inflamatore e zorrëve)

Kjo sëmundje është një enjtje kronike e traktit të tretjes.

IBD përbëhet nga dy lloje: Sëmundja e Chron-it dhe koliti ulcerativ. Simptomat e Chron-it përfshijnë dhimbje barku, diarre, ethe, dhe humbje peshe. Simptomat e kolitit ulcerativ përfshijnë ato të të Chron-it, por mund të përfshijnë edhe keqshqyerjen dhe dhimbjen rektale.

Nëse përjetoni disa nga simptomat e mësipërme rregullisht, është e nevojshme të vizitoni një mjek për të marrë një diagnozë të përshtatshme.

Si ta rregulloni: IBD është një gjendje kronike mjekësore që kërkon ndërhyrje mjekësore. Megjithatë, shumë simptoma mund të lehtësohen duke reduktuar karbohidratet e rafinuara (sheqernat), duke shtuar furnizimin e vajrave omega-3 dhe duke ngrënë më shumë protenia.

– Kapsllëku kronik

Kapsllëku kronik (afatgjatë) është një ankesë e shpeshtë e dikujt që vuan nga problemet e traktit të tretjes. Shpesh, kapsllëku i vazhdueshëm shkakton simptoma si dhimbje abdominale, fryrje, dhe lëvizjet të çrregullta të zorrëve.

Në shumë raste, kur shfaqen, lëvizjet në zorrë janë më të dhimbshme se zakonisht. Sipas mjekëve, kapsllëku kronik është një nga problemet mjekësore më të shpeshta të raportuara në vendet e zhvilluara.

Si ta rregulloni: Përfshini më shumë fibra në dietën tuaj. Sigurohuni që të pini 6-8 gota ujë çdo ditë. Ushtrohuni për të paktën 30-45 minuta çdo ditë.

Intoleranca me ushqimet

Nëse trupi juaj duket se vepron në mënyrë të çuditshme pasi të hani ushqime të caktuara, zorrët tuaja mund të jenë me të vërtetë jotolerante për atë që po vendosni në stomak.

Sëmundja celiac – një çrregullim autoimun, është një lloj i intolerancës ushqimore. Kjo shkakton probleme me tretjen kur hani gluten, një proteinë që gjendet në elb, thekër dhe grurë.

Simptomat e intolerancës ndaj ushqimit përfshijnë:

dhimbje barku

– fryrje

– diarre

dhimbje koke

– urthi

– nervozizëm

– gazra

– të vjella

Si ta rregulloni: Intoleranca e ushqimit përgjithësisht diagnostikohet duke përdorur një ditar për ushqimet. Duke regjistruar atë që hani dhe kur, mund t’ju ndihmojë të identifikoni se cilat ushqime po i shkaktojnë simptomat tuaja.

Pas zbulimit të një intolerance të mundshme, mund të jetë e dobishme të vizitoheni tek një mjek për të përjashtuar një alergji të mundshme ushqimore.

– Shenja të tjera serioze

Një mjek i specializuar për sëmundjet e sistemit të tretjes mund të eliminojë përfundimisht mundësitë e një gjendje të rëndë gastrointestinale ose sëmundjeje. Ju mund të përcaktoni një takim me një mjek gastrointestinal në qoftë se keni ndonjë nga këto:

– jashtëqitje të gjakosur

– të vjella të shpeshta

– djersitje të pandërprerë

dhimbje të rënda të barkut

– humbje të papritur në peshë

Kushtet e mundshme të simptomave të përmendura më sipër përfshijnë gurët e tëmthit, hepatitin, infeksionin ose gjakderdhjen e brendshme.

Si ta rregulloni: Është e qartë se simptomat serioze si jashtëqitje të gjakosura, dhimbje të vazhdueshme abdominale, dhe humbja e papritur e peshës kërkojnë vëmendje të menjëhershme mjekësore.

Vetëm një mjek i certifikuar nga bordi mund t’i përgjigjet siç duhet simptomave të rënda.

Për pjesën tjetër…

Ju mund të jeni në gjendje të kapërceni problemet e tretjes me ndryshimet e jetesës – ndoshta me anë të një vizite mjekësore.

Disa sëmundje të sistemit të tretjes mund të jenë afatgjata, por disa ilaçe dhe shtesa natyrale mund të ndihmojnë në zbutjen e shumë simptomave që përmendëm në këtë artikull. /supershendeti/
Shtuar më 15/09/2018, ora 11:13

Shkruani komentin tuaj!
Të fundit nga kjo kategori