Një 35-vjeçar shqiptar ka rënë në prangat e policisë në Spanjë, pasi ishte akuzuar më herët për krime terrorizmi.
Lajmin e kanë bërë të ditur mediat spanjolle, të cilat shprehen se shqiptari ishte në arrati prej kohësh.
Garda Civile pretendon se shqiptari ishte në kërkim për krime terrorizmi dhe se përdorte rrjete sociale për të promovuar sulmet vetëvrasëse.
35-vjeçari i arratisur, në momentin e arrestimit është gjetur me një “stilolaps të punuar me dorë dhe kalibër 22 milimetra”.
Gjithashtu theksohet se arrestimi i tij u bë në kuadër të operacionit ‘Azabache’,.Hetimet paraprake për veprimtarinë e tij në platformat sociale konfirmojnë përkatësinë e tij në ideologjinë më radikale të natyrës terroriste, pasi ai përmendi dhe vlerësoi figurën e kamikazit, të lartësuar nga organizatat terroriste.
Gjithashtu i arrestuari kërkohej nga Interpoli nga autoritetet shqiptare për vendndodhjen dhe arrestimin e tij për nxitje për të kryer sulme terroriste.
