Ja shporta e ushqimeve e cila favorizon nxirjen e lëkurës
Pëlqej
Shporta e ushqimeve që ne duhet të konsumojmë çdo ditë duhet të jetë plot ngjyra. Por ekzistojnë një sërë ushqimesh të cilat favorizojnë nxirjen e lëkurës në mënyrë natyrale. Të gjitha frutat dhe perimet që përmbajnë beta-karoten duhet të konsumohen në masë, kjo për të patur një nxirje intensive.

Në tavolinat tona, kurrsesi nuk duhet të mungojnë domatet, karota, kajsi, speca të kuq, pjeprat, mango etj. Jo vetëm kaq, por edhe perimet me gjethe jeshile duke përfshirë spinaqin, brokolin, lakrën, majdanozin.

Ndonëse ne nuk i shohim pigmentet, ato ruhen thellë. Beta-karotenët janë antioksidantë të fuqishëm. Kur përqendrimi i tyre në trup është i lartë, këto pigmente shkojnë së pari në mëlçi, në yndyrë dhe lëkurë. Është pikërisht ky fenomen që i jep lëkurës nuancë bronxi. Ja çfarë këshillojnë mjekët për të rritur rezistencën e lëkurës, që të nxihet pa u djegur. Duhet të konsumoni vezë, gjalpë, qumësht dhe peshk yndyror për vitaminën A. Kivi, manaferat, fruta të kuqe, agrume, speca për vitaminën C. Vajra vegjetale, vaj ulliri, arra, fara dhe drithëra për vitaminën E. Vitaminat A, C, E, mineralet dhe antioksidantët, si seleni, luftojnë kundër radikaleve të lira të krijuara nga rrezet e diellit, të dëmshme për qelizat e lëkurës. /albeu.com/

Shtuar më 06/09/2014, ora 16:18
Shkruani komentin tuaj!
Të fundit nga kjo kategori