Sipas studimeve të fundit, varianti i ri i Covid-19, Omicron, është më i transmetueshëm, por më pak i ashpër. Që do të thotë më pak i rrezikshëm se variantet e tjera.
OBSH ka bërë të ditur se Omicron është identifikuar në 57 vende të botës.
Ekspertët theksojnë faktin se numri i rasteve të regjistruara me koronavirus po rritet me shpejtësi në Afrikën Jugore.
Edhe pse “nuk dihet se çfarë e shkakton këtë fenomen”, ka mundësi që ai të jetë shkaktuar nga përhapja e Omicron në këtë rajon si dhe nga shtimi i testeve diagnostikuese për praninë e koronavirusit pasi ky variant në fillim u karakterizua si shqetësues.
Sipas OBSH-së, nevojiten më shumë informacione për të vlerësuar efektivitetin e vaksinave kundër llojit Omicron.
“Ka nevojë për më shumë të dhëna për të vlerësuar nëse mutacionet e pranishme në variantin Omicron mund të rezultojnë në mbrojtje të reduktuar kundër imunitetit të shkaktuar nga vaksina, si dhe të dhëna për efikasitetin e vaksinës, duke përfshirë përdorimin e dozave shtesë të vaksinës,” thonë ekspertët. Theksohet se “OBSH do të vazhdojë të punojë me partnerët për të monitoruar dhe vlerësuar këto të dhëna sapo të vihen në dispozicion”. /albeu.com
