E frikshme, mishi i kuq i kthen femrat në sterile
Pëlqej
Konsumi i tepruar i mishit të kuq mund të rrisë rrezikun e endometriozës. Kjo është një patologji që shfaqet tek femrat dhe shoqërohet dhe dhimbje barku, cikël shumë të dhimbshëm, shqetësime urinare dhe reduktim të fertilitetit, duke bërë që 30-40% e atyre që preken, të kthehen në sterile.

Sipas studimit të fundit të kryer nga Fred Hutchinson Cancer Research Center në Washington, kush konsumon mish të kuq të paktën dy herë në ditë, rrit mundësinë e prekjes nga kjo sëmundje me rreth 56%, në krahasim me ato gra që e konsumojnë një herë në javë. Kërkuesit kanë analizuar të dhënat e rreth 82 mijë grave në SHBA nga vitit 1991 deri në 2013.

Sipas ekspertëve, kjo mund të lidhet me faktin se konsumi me bazë blegtorale ka potencialin për të influencuar rrezikun e endometriozës përmes efekteve në nivelin e hormoneve steroide.

Ndërsa nuk kanë asnjë efekt mishi i pulës, peshku dhe frutat e detit. Gjithsesi tani do të nisin studime të tjera mbi bazën ushqimore në gratë që vuajnë nga ky shqetësim për të konfirmuar vrojtimin.
Shtuar më 12/02/2019, ora 11:14
Shkruani komentin tuaj!
Të fundit nga kjo kategori