Konflikti i nisur për një telefon përfundoi me plagosjen e një 47-vjeçari.
Ngjarja ka ndodhur ditën e sotme në zonën e quajtur Kapelja në Vlorë.
47-vjeçari është qëlluar me thikë pas konfliktit.
Ai është dërguar me urgjencë në spitalin rajonal të Vlorës dhe ndodhet jashtë rrezikut për jetën.
Ndërkohë autori i dyshuar i ngjarjes është arrestuar.
Vlorë/Informacion paraprak
Goditi me mjet prerës (thikë), një shtetas, falë reagimit të menjëhershëm, shërbimet e Policisë kapin autorin e dyshuar. Rreth orës 12:55, në lagjen “28 Nëntori”, dyshohet se gjatë një konflikti për motive të dobëta, shtetasi A. T., 34 vjeç, ka goditur me mjet prerës (thikë), shtetasin E. M., 47 vjeç. Shërbimet e Policisë kanë kapur autorin e dyshuar të ngjarjes, shtetasin A. T., dhe e kanë shoqëruar atë në ambientet e Komisariatit të Policisë Vlorë. Shtetasi E. M. ndodhet në spital, në kujdesin e mjekëve. Vijon puna e grupit hetimor, për sqarimin e plotë të rrethanave të ngjarjes.
/Albeu.com/
