Bebe "In Vitro", Moisiu: Në shtet do të jenë falas
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Duke filluar që nga viti që vjen, çiftet që kanë probleme me lindshmërinë e një fëmije do të kenë mundësi të përfitojnë në maternitetet shtetërore nga metodat e fekondimit artificial. Kjo, në sajë të projektit "Mjekësia e së ardhmes: ngritja e një rrjeti qendrash ndërkufitare mbi riprodhimin e asistuar dhe mjekësinë rigjeneruese në zonën e Adriatikut", i maternitetit "Koço Gliozheni" dhe i bashkëfinancuar nga Bashkimi Evropian.

Në sajë të tij, do të bëhet e mundur që për herë të parë në maternitetet publike shqiptare të krijohet infrastruktura e nevojshme për zbatimin e procedurave të fertilitetit të ndihmuar medikalisht, që sot është i mundur të realizohet vetëm në klinikat private brenda apo jashtë vendit. Ndërkohë që, lajmi i mirë është se ky shërbim do të jetë falas.

Lajmin për "Gazeta Shqiptare" e bën të ditur drejtoresha e këtij materniteti, Rubena Moisiu. "Mendojmë që projektin ta fillojmë në fund të gjashtëmujorit të parë të vitit që vjen. Projekti është në hapat e para, dhe do varet shumë se si do ecin procedurat e mëtejshme. Sa i përket kostos, pjesa spitalore mbulohet nga sigurimet shëndetësore shtetërore, kështu që nuk do paguhet", u shpreh Moisiu.

Edhe pse në vendin tonë ende nuk ka një studim mbarëkombëtar lidhur me përqindjen e fertilitetit, disa studime dhe të dhëna nga mjekët obstetër gjinekologë tregojnë se rreth 12% e çifteve kanë probleme për sa i përket lindshmërisë. Ndërkohë që, në Tiranë në vitet 2004-2012 numërohen kërkesa nga 33.304 çifte, prej të cilave 497 kanë përfituar shtatzëni të konceptuar me metodat e fertilitetit të ndihmuar medikalisht në klinika private në vend, por edhe jashtë.

Ligji shqiptar "Për shëndetin riprodhues" i vitit 2002 është në përputhje me të drejtat evropiane dhe ndërkombëtare të njeriut për riprodhim. Bazuar mbi parimet mjekësore dhe shkencore, ky ligj, me të njëjtat standarde me ligjet aktuale të vendeve të përparuara në BE dhe SHBA, vendosi Mjekësinë e së Ardhmes për Riprodhim në dispozicion të qytetarëve shqiptarë.

Që nga viti 2003, me një rregullore të Ministrisë së Shëndetësisë, u lejua përdorimi i metodës "In Vitro", ku mosha e lejuar e grave për të është më e vogël se 50 vjeç. /albeu.com/
Shtuar më 06/12/2012, ora 09:17
Shkruani komentin tuaj!
Të fundit nga kjo kategori
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com