Rahemm Sterling ka lënë pas dëmtimin dhe është i gatshëm për të dhënë kontributin e tij në ndeshjen ndaj Realit e vlefshmë për 1/8 e Champions.
Anësori anglez u lëndua në ndeshjen kundër Tottenham Hotspur, të cilën ‘Citizens’ e humbën me rezultat 2:0.
Që nga ajo kohë lojtari nuk ka mundur të aktivizohet me kampionët e Premierligës. Ai u la pushim në ndeshjen kundër Leicester Cityt vikendin që lamë vetëm për të qenë 100% i gatshëm kundër ‘Los Blancos’, raporton ‘Mirror’.
Kthimi i Sterling në stërvitje do të thotë shumë për Pep Guadriolan para një ndeshjeje të kalibrit të tillë, marrë parasysh impaktin që anësori ka në skuadër.
Ndeshja e parë Real Madrid-Man City do të luhet në ‘Santiago Bernabeu’ të mërkurën me fillim prej ores 21:00.