Pas disa rasteve të humbura, vendasit kaluan në avantazh në minutat e fundit të pjesës së parë, kur Olise përfitoi nga një top i devijuar pas goditjes së Osman Dembele dhe shënoi nga afër. Irlanda e Veriut mendoi se kishte barazuar në kohën shtesë të pjesës së parë, por goli u anulua për faull në ndërtimin e aksionit.

Vetëm katër minuta pas rifillimit, Olize realizoi sërish, duke dyfishuar epërsinë e Francës. Megjithatë, miqtë reaguan dhe ngushtuan rezultatin kur Patrik Kelli shënoi golin e tij të parë me kombëtaren pas asistit të Shea Çarls.

Kur ndeshja u bë më e tensionuar, Olize vulosi suksesin e francezëve me një goditje të bukur nga distanca, duke kompletuar tregolëshin dhe duke çuar numrin e golave të tij me kombëtaren në shtatë.

Fitorja zgjat serinë e pamposhtur të Francës ndaj Irlandës së Veriut në shtatë ndeshje (5 fitore, 2 barazime).

GOLAT E NDESHJES: VIDEO 

The post VIDEO/ Olize shkëlqen me tripletë, Franca “tregon dhëmbët” para Botërorit appeared first on Albeu.com.

Diskutoni hapur me partnerin tuaj sot për te gjitha problemet qe keni pasur ne çift. Me qetësi dhe maturi do zgjidhni gjithçka dhe do jeni me optimiste për te ardhmen. Beqaret do kenë disa takime, por fale tyre mund te linin vetëm dashuria kalimtare. Planetët do jene ne anën tuaj ne planin financiar dhe do iu ndihmojnë ta stabilizoni situatën. Shfrytëzojeni këtë mundësi!

Demi

Te shumte do jene yjet qe do krijojnë turbullira ne jetën ne çift gjate kësaj dite. Lidhjes suaj do i mungoje qëndrueshmëria dhe do keni probleme te mëdha. Beqaret do kenë pak mundësi te takojnë personat e duhur, megjithatë nuk duhet ta humbin shpresën deri ne minutën e fundit. Ne planin financiar ka ardhur koha te ndiqni një strategji strikte.

Binjaket

Nëse kohet e fundit jeni përballur me një situate te vështirë ne çift, sot do i shikoni gjerat më me qartësi. Situata do filloje te stabilizohet pak nga pak. Beqaret do flirtojnë pa pushim, por do kenë mundësi vetëm për aventura kalimtare. Shfrytëzojini nëse iu pëlqejnë ose prisni ende për një lidhje serioze. Ne planin financiar do e dini mire çfarë hapash te hidhni qe situata te mos përkeqësohet.

Gaforrja

Qetësia do mbizotërojë gjate gjithë ditës sot ne planin sentimental te çifteve. Nga ana tjetër do jeni me te disponueshem te bëni përpjekjet e duhura qe te krijoni një klime harmonike. Për beqaret do favorizohen lidhjet afatgjata. Shfrytëzojeni çdo mundësi qe do iu jepet. Ne planin financiar tregohuni sa me te matur dhe te kujdesshëm. Po gabuat do keni probleme serioze,

Luani

Dita juaj do jete me e animuar dhe me emocionuese sot. Nuk do bëni asgjë pa marre mendimin e partnerit dhe kjo do iu afroje me shume. Beqaret do i kushtojnë shume rëndësi punës dhe nuk do kenë kohe për jetën sentimentale. Mos harroni qe ditët ikin shpejt. Nëse tregoheni te arsyeshëm me shpenzimet situata financiare do jete e qëndrueshme.
Virgjeresha

Dite përgjithësisht e qete kjo e sotmja për te dashuruarit. Duhet thënë se do i jepni me shume rëndësi komunikimit dhe do i zgjidhni disa zënka te vogla qe keni pasur. Beqaret nuk do kenë fat dhe do iu rendoje shume vetmia. Financat duhet menaxhuar me shume kujdes dhe maturi. Merkuri do iu gjendet pranë ne çdo moment dhe nuk do iu lere te shpenzoni pa u menduar.
Peshorja

Për çiftet dita do jete paksa delikate. Do ndiheni te plogësht dhe nuk do keni aspak dëshirë te merreni me zgjidhjen e mosmarrëveshjeve. Beqaret do hipnotizohen nga ideja se nuk mund te jetojnë dot me vetëm. Mos bëni gabime te cilat as vete nuk do ia falni vetes. Marsi do sjelle turbullira ne planin financiar. Kujdes me çdo hap qe do hidhni dhe shpenzoni me maturi.

Akrepi

Marrëdhënia juaj me partnerin do jete shume e mire gjate kësaj dite. Do merrni kënaqësitë e pritura dhe nuk do debatoni për asgjë. Komunikimi është një nga pikat tuaja me te forta. Beqaret duhet te kenë me tepër besim tek vetja dhe te tentojnë. Ne planin financiar do keni fat. Gjerat do shkojnë ashtu si i kishit programuar dhe do kryeni disa transaksione te rëndësishme.

Shigjetari

Dialogu do mbizotërojë gjithë kohen ne jetën ne çift. Do ia kaloni mire me partnerin. Dite emocionuese dhe drithëruese kjo e sotmja për beqaret. Një person interesant do beje gjithçka për t’iu pasur pranë edhe pse ju do tregoheni kokëfortë. Ne fakt ai do iu pëlqejë jashtë mase. Ekuilibri financiar do ketë goxha tronditje sot. Kujdes me çdo shpenzim.

Bricjapi

Atmosfera ne jetën ne çift do jete e ngrohte dhe harmonike sot. Bashkëpunimi de komunikimi do mbizotërojë gjete gjithë kohës. Ata qe mendojnë për një te ardhme se bashku duhet te përgatisin projektet. Beqaret do fillojnë një histori dashurie e cila do shndërrohet shpejt ne një lidhje serioze. Me financat nuk do i keni mire punët sepse do shpenzoni jashtë mase.

Ujori

Dite e zakonshme kjo e sotmja për te dashuruarit. Here do debatoni me atë qe keni ne krah dhe here do dashuroheni ne mënyrë pasionante. Për beqaret do jete dite e favorshme për takime. Bëjini sytë katër qe ta gjeni shpejt personin e duhur. Ne planin financiar do jeni me fat. Pa u munduar shume gjerat do rrjedhin me se miri dhe mund te hiqni disa para mënjanë.

Peshqit

Jeta ne çift nuk do jete ashtu si ju e keni pritur sot. Nuk do mungojnë debatet dhe mosmarrëveshjet çka do e tensionojnë mjaft ambientin. Beqaret do jene sharmante dhe do tërheqin vëmendjen e te gjithëve. Mos ngurroni te paktën te njiheni me disa persona. Gabimi me i vogël mund t’iu kushtoje shtrenjte ne planin financiar. Kujdes me hapat qe do hidhni.

The post Horoskopi 9 qershor 2026, çfarë kanë rezervuar yjet për ju sot appeared first on Albeu.com.

Përveç urimeve dhe surprizës që i organzuan fermerët, Visi mori edhe një mesazh të veçantë, nga mësuesja e klasës së parë, Engjëllushe Malltezi.

Mes kujtimesh, zysha tregoi herën e parë që Visi u ul në bankat e shkollës.

Ndërsa vetë aktori “hapi zemrën” dhe tregoi një histori të veçantë.

“Kam një histori shumë të veçantë me zysh Enxhin.Unë kam pasur shumë dëshirë të vazhdoj shkollën, mezi e kam pritur. Dhe kur e kam parë zysh Enxhin jam mahnitur sa e bukur ishte. Unë i kam pasur gjithmonë shumë qejf njerëzit e bukur dhe ka qenë një njeri i mrekullueshëm. Ajo edhe sot është shumë e bukur. E kam pasur shkollën me shumë qejf dhe zysha më ka mbajtur mirë. Janë detyruar të shtëpisë të më heqin nga klasa e parë sepse unë nuk po mësoja, po mrekullohesha me zyshën. Isha në dashuri me zyshën”, tha Visi.

The post “Rash në dashuri me zyshën, nuk po mësoja”, Vis Pupa tregon historinë e veçantë appeared first on Albeu.com.

Përmes një postimi në rrjetet sociale, Bardhi i është referuar reagimeve të fundit të Ramës ndaj zëdhënësit të Ministrisë së Jashtme të Iranit, Esmaeil Baghaei.

Sipas demokratit, Rama shpik armiq imagjinarë për të qëndruar në pushtet, teksa thekson se kryeministri nuk ndryshon nga regjimi i Ajatollahëve të Iranit, në raportin që ai ka me pushtetin.

Reagim i Kryetarit të Grupit Parlamentar të PD, Gazment Bardhi:

“Oh, really? Vërtet i di shqiptarët kaq budallenj? Nuk ka asgjë të papritur këtu. Iranin në këtë debat e fute ti. Ti akuzove protestuesit. Ti shpike komplotin me iranianë. Ti e kërkove këtë reagim. Tani, nuk besoj se ka mbetur njeri me dyshime se për karrigen tënde nuk njeh as kufij dhe as pasoja. Ti po provon se për karrigen tënde nuk e ke problem madje as të flirtosh me Iranin.

E vërteta është se nuk ndryshon nga ajatollahët në raportin që ke me pushtetin. Kush nuk të bindet, shpallet armik. Protestuesit armiq. Opozitarët armiq. Fqinjët armiq. Europianët armiq. Influencerët armiq. Sot Shqipëria ka vetëm një armik. Quhet Edi Rama. Dhe ka ardhur koha të largohet.”, shkruan Bardhi.

The post “Vërtet i di shqiptarët kaq budallenj?”/ Bardhi ‘mesazh’ Ramës: Ti shpike komplotin me iranianë appeared first on Albeu.com.

Pas marshimit në rrugët kryesore të kryeqytetit dhe ndalesave para institucioneve shtetërore, protestuesit janë rikthyer në Sheshin “Skënderbej”.

“Rama ik! Nesër më shumë!”, ishte mesazhi që shoqëroi shpërndarjen e protestuesve nga sheshi, për t’u mbledhur sërish ditën e nesërme.

Gjatë marshimit, pjesëmarrësit u kanë bërë thirrje të rinjve që t’i bashkohen protestës për vijimin e lëvizjes së tyre dhe kanë përsëritur thirrjen për dorëheqjen e Ramës.

“Bashkohuni me ne” dhe “Edi Rama, o tradhtar, jep dorëheqjen sa më parë!” ishin dy nga thirrjet e dëgjuara nga turma, ndërsa protestuesit vijuan marshimin në mënyrë paqësore për disa orë.

“Revolucion, revolucion; Edi rama ka mbaru, ka mbaru, ka mbaru; Dorëheqje, dorëheqje, dorëheqje, dorëheqje”, janë po ashtu disa nga parullat që ata thirrën njëzëri teksa u dynden rrugëve të kryeqytetit.

The post Mijëra protestues ngrenë Tiranën në këmbë, përmbyllin tubimin në Sheshin Skënderbej: ‘Rama ik!’ Nesër edhe më shumë appeared first on Albeu.com.

Politikanët hungarezë do të marrin më pak para, për të treguar shembull modestie dhe për të kursyer buxhetin e shtetit.

Kryeministri i ri, Peter Magyar, thotë se kjo është një mënyrë për të treguar modesti dhe për të kursyer para në një kohë kur financat e shtetit janë të vështira.

Paga e re e deputetëve do të jetë rreth 3690 euro në muaj, janë hequr përfitime si pagesat për telefonin dhe qiratë.

Kursimet do të ndihmojnë në mbulimin e kostove të parlamentit për një vit.

Kryeministri e lidh këtë vendim me luftën kundër korrupsionit, i cili ka kushtuar shumë vendit gjatë sundimit të Viktor Orbán.

The post Kryeministri i ri hungarez i ul pagën politikanëve me 40%, Magyar: Një veprim modest për të luftuar korrupsionin appeared first on Albeu.com.

Ajo ishte në një televotim me Romirin, ku publiku vendosi që poetja të shkojë drejt natës së madhe të 15 qershorit, e të vazhdojë garën për çmimin e madh.

“Faleminderit shumë publiku. Tani fillon ferma”, tha Moza mes emocionesh.

Mbrëmjen e sitme do të zgjidhet edhe finalisti i dytë, i cili sipas moderatores do të jetë shumë i veçantë. Po ashtu, përballja në një sfidë do të ketë edhe një eliminim mbrëmjen e sotme.

The post Moza, finalistja e parë e Ferma Vip 3 appeared first on Albeu.com.

Pedicioni online me sloganin “Rama Out” u përhap me shpejtësi të jashtëzakonshme në rrjetet sociale, duke u kthyer kështu në një nga fushatat më të mëdha digjitale të kohëve të fundit në vend. Ky pedicion vjen në një moment delikat, ku vendi është përfshirë nga protesta të njëpasnjëshme të cilat janë zhendosur edhe në qytete të tjera të vendit dhe diasporë.

Për të gjithë qytetarët brenda dhe jashtë vendit që duan të bëhen pjesë e kësaj nisme dhe të shprehin vullnetin e tyre, peticionin mund ta gjejnë dhe ta nënshkruajnë në adresën zyrtare:“ramaout.com“.

The post Peticioni online thyen rekorde/ Mblidhen afro 1.7 milionë firma për largimin e kryeministrit Rama appeared first on Albeu.com.

Në një bisedë telefonike me gazetarin Barak Ravid të Channel 12, Trump tha se Uashingtoni ishte informuar vetëm në minutën e fundit për sulmet ajrore të Izraelit ndaj Iranit dhe se kishte arritur të kufizonte fushëveprimin e tyre.

Sipas tij, gjatë një telefonate me Netanyahun të dielën në mbrëmje, ai i kërkoi liderit izraelit të mos i përgjigjej sulmeve me raketa balistike të Iranit. Megjithatë, biseda përfundoi pa një marrëveshje të qartë.

Channel 12 raportoi se disa nga ndihmësit e Trump që morën pjesë në telefonatë kishin krijuar përshtypjen se presidenti amerikan kishte fituar disa ditë kohë për të mbështetur negociatat mes SHBA-së dhe Iranit për një marrëveshje të mundshme.

Megjithatë, pas telefonatës, Netanyahu zhvilloi konsultime me drejtuesit e sigurisë izraelite dhe më pas informoi Sekretarin amerikan të Shtetit, Marco Rubio, se kishte vendosur të vijonte me sulmet ndaj Iranit.

Trump deklaroi gjithashtu se pesë vende të rajonit, të angazhuara në përpjekjet ndërmjetësuese mes Uashingtonit dhe Teheranit, i kanë kërkuar të ushtrojë presion mbi Izraelin për të ndalur sulmet dhe për t’i dhënë përparësi diplomacisë.

Sipas presidentit amerikan, zyrtarët iranianë kontaktuan SHBA-në të hënën në mëngjes dhe njoftuan se nuk do të kryenin sulme të tjera ndaj Izraelit, duke kërkuar në këmbim ndalimin e operacioneve izraelite. Trump tha se pas këtij mesazhi ai kontaktoi sërish Netanyahun dhe e bindi të pranonte ndërprerjen e sulmeve të mëtejshme.

Në fund, Trump ritheksoi bindjen e tij se një marrëveshje mes SHBA-së dhe Iranit mbetet e mundur dhe se Teherani është i gatshëm ta nënshkruajë atë. Ai deklaroi se një marrëveshje mund të arrihet “brenda pak ditësh”, një vlerësim që e ka përsëritur vazhdimisht gjatë javëve të fundit.

The post ‘E paralajmërova Netanyahun të mos sulmonte Iranin’, Trump: Marrëveshja me Teheranin vetëm pak ditë larg appeared first on Albeu.com.

Aksioni po drejtohet nga Drejtoria Vendore e Policisë Vlorë dhe vijon ende në terren, me forca të shumta të angazhuara në disa pika njëkohësisht.

Sipas burimeve paraprake nga policia, deri më tani janë shoqëruar dhe ndaluar të paktën 5 persona, ndërsa gjatë kontrolleve janë sekuestruar edhe armë.

Megjithatë, ende nuk janë bërë publike detaje zyrtare lidhur me veprat penale që po hetohen apo objektivin e plotë të operacionit.

Forcat e rendit kanë ushtruar kontrolle në disa banesa dhe ambiente të tjera, ndërsa pritet që pas përfundimit të aksionit të ketë një njoftim zyrtar me rezultatet e plota të operacionit nga Policia e Shtetit.

The post Operacion i gjerë policor në Vlorë, arrestohen 5 persona, sekuestrohen edhe armë appeared first on Albeu.com.