Pite me patate
Pëlqej
Përbërësit

500 gr miell

2,5 decilitra ujë

80 gr gjalpë

2 kokë qepë

800 gr patate

0,5 decilitra vaj

kripë

biber



Hapat
1
Në një enë të thellë bashkohen mielli, uji, pak kripë dhe brumi ngjishet me dorë derisa të fillojë të ndahet nga gishtërinjtë.

2
Brumi ndahet në dy kuleç, kuleçtë lihen të pushojë 20 minuta.

3
Qepët qërohen dhe priten në katrorka, qërohen edhe patatet por ato grihen trash nerende.

4
Në pak vaj kaurdisen qepët, e pastaj shtohen patatet dhe mëlmesa sipas shijës, patatet kaurdisen derisa të zbuten.

5
Kuleçtë e brumit t’hollohen dhe lyhen me gjysmën e gjalpit, lihen të pushojnë edhe 2 minuta, peta zgjatet me dorë nga të gjitha anët.

6
Në petën e shtrirë derdhet gjysma e mbushjës së përgatitur dhe me sofravez mbështillet peta.

7
Kjo procedurë përsëritet edhe një herë, tava e rrumbullakët lyhet me pak gjalpë dhe petët e mbushura palosen në formë të rrumbullakët.

8
Pitja piqet derisa të skuqet, në furrën e nxehtë në temperaturë 200 gradë celsius.

9
Ju bëftë mirë!
Shtuar më 14/06/2018, ora 17:51
Shkruani komentin tuaj!
Të fundit nga kjo kategori