Britania do t’i dërgojë tanke Ukrainës, reagon Kremlini: Do t’i djegim

Mbretëria e Bashkuar tha të shtunën se do të dërgonte 14 tanke Challenger 2 si dhe mbështetje të tjera të avancuara artilerie në javët e ardhshme.

Zëdhënësi i Kremlinit Dmitry Peskov hodhi poshtë ndikimin e armëve të reja që dërgohen nga Britania, si dhe ato që furnizohen nga Polonia, duke pretenduar se ato nuk do të ndryshojnë situatën në terren.

Ai shtoi se tanket e reja do të “digjen si të tjerët”.

Peskov gjithashtu pretendoi se forcat ruse nuk shënjestruan ndërtesa banimi në sulmin e tyre të fundit raketor.

Dy ditë më parë një raketë goditi një kompleks apartamentesh në Dnipro duke vrarë të paktën 35 persona.

Peskov pretendoi se “situata” në Dnipro ishte rezultat i kundër-raketave dhe mbrojtjeve ajrore ukrainase./albeu.com


Shtuar 16.01.2023 11:13