Berisha uron Fitër Bajramin
Kryeministri i vendit Sali Berisha, ka uruar besimtarët myslimanë për festën e Fitër Bajramit duke i uruar të gjithë ata persona, të cilët me përkushtim të madh ndaj Zotit, agjëruan muajin e madhërueshëm të Ramazanit.

Pas një vizite në selinë e Komunitetit Mysliman në Tiranë, Berisha shprehu nderimin më të thellë për të gjithë udhëheqësit shpirtërorë të kombit shqiptar, udhëheqësit e të gjitha besimeve për kontributin e tyre të jashtëzakonshëm.

“Shpreh nderimin tim më të thellë për udhëheqësit shpirtëror të kombit shqiptar, udhëheqësit e të gjitha besimeve, për kontributin e tyre të jashtëzakonshëm, në ndërtimin e infrastrukturës shpirtërore, ndërtimin e besimeve fetare, nisur nga kushtet dhe rrethanat më të vështira, më të paprecedente”, u shpreh Berisha.

Gjatë vizitës në Komunitetin Mysliman të Shqipërisë kryeministri u shpreh se, udhëheqësit shpirtëror të kombit ia dolën të ngrejnë vlerat hyjnore, të ndërtojnë besimet e mëdha të shqiptarëve në harmoni me njëri-tjetrin, në tolerancë, në bashkëpunim.

“Ç`ka përbën dhe virtytin më të madh, të këtij shpirti, kombi dhe të këtyre qytetarëve”, theksoi kryeministri.

Më herët edhe ambasadori i SHBA-së, në Tiranë, Aleksandër Arvizu zhvilloi një vizitë në selinë e komunitetit mysliman në Tiranë, me rastin e Fiter Bajramit. /albeu.com/
Shtuar më 30/08/2011, ora 12:21

Shkruani komentin tuaj!
Të fundit nga kjo kategori