Shshshsht, ėshtė ora e kulturės, flasin zėdhėnėset e partive!
nga Mustafa Nano
Shqip
Nga biseda televizive qė kam pasur me Elvis Pupėn, mora vesh se shtypi pothuaj e kish injoruar shfaqjen e tij komike me titull “100 vjet, shteti mė i lumtur nė Shqipėri”. Ai vetė kish pritur shkrime kritike, ku tė nėnvizoheshin vėrejtje, risi, mangėsi, etj, dhe ish boll i zhgėnjyer qė asnjėri nuk kish marrė mundimin, apo nuk e kish parė tė udhės, tė ulej e tė shkruante mbi kėtė ngjarje tė skenės komike shqiptare, nė tė cilėn vetė Pupa del si njė pionier. Duhet thėnė, se ėshtė hera e parė qė dikush bėn njė shfaqje tė tillė, pėr tė cilėn nuk ekziston njė emėrtim nė shqip (anglezėt e quajnė ‘stand up comedy’, por nė shqip ende nuk ėshtė gjetur njė emėrtim qė tė ngjisė; ndoshta ngaqė nuk e kemi pasur e nuk e kemi tė zhvilluar si zhanėr). Nė fakt, ka bėrė diēka tė ngjashme Arjan Ēani para nja dy vitesh, por ajo u mor, ndoshta pa tė drejtė, si njė alternativė skenike e programit televiziv “Zonė e Lirė”. Shtypi foli pėr nismėn e Ēanit, por sė pari gjithēka mori formėn e njė qoke pėr njė koleg, dhe sė dyti s’pati asnjė kuturisje pėr ta pėrkufizuar kėtė shfaqje si njė ‘stand up comedy’. Dhe vetė Ēanit s’i shkoi nė mendje ta bėnte kėtė pėrkufizim.

Unė nuk e kam ndjekur shfaqjen e Ēanit (kam ndjekur vetėm jehonėn nė shtyp), e nė kėtė kuptim nuk ėshtė se mund tė them ndonjė gjė mė tepėr lidhur me tė. Ndėrsa show-n e Pupės e ndoqa, dhe nuk ka asnjė diskutim, tė paktėn pėr mua, qė ky show ishte fiks, nė kuptimin mė tė plotė tė fjalės, njė stand up comedy, d.m.th Pupa, pėr mė shumė se njė orė, ish nė skenė i vetėm dhe komunikonte drejtpėrdrejt me shikuesit, duke shtėnė nė punė talentin e tij prej komiku e duke e bėrė shfaqjen argėtuese nga fillimi deri nė fund. Ai mbushi pėr dy net me radhė sallėn e Pallatit tė Kongreseve, dhe mė pas, pėr tri net rresht, sallėn kryesore tė Universitetit tė Arteve. Kaq mjafton pėr tė kuptuar se Elvis Pupa ka tė drejtė kur pretendon se ai ėshtė praktikisht njė pionier nė kėtė lėmė. Ai ėshtė i pari qė “ka shpikur” (lexoni: ka sjellė) nė Shqipėri kėtė tip shfaqjeje. Kush e ka parė, me siguri bie dakord me kėtė pėrfundim. E prandaj, ėshtė pak e ēuditshme se si pėr kėtė ngjarje nuk u fol fare.

Pupa me tė drejtė ka pritur shkrime tė natyrės kritike, por nuk do tė ish e drejtė tė fajėsoje mė shumė sesa duhet gazetarėt lidhur me faktin qė shkrime tė tilla nuk u publikuan. Shkrimet kritike bėhen nga ekspertėt. Gazetarėt mund t’i cysin ekspertėt qė ta thonė njė fjalė pėr njė ngjarje tė caktuar kulturore, por nuk mund tė bėjnė mė tepėr sesa kaq. Pėrgjithėsisht, shkrimet kritike nuk bėhen me porosi (gjetkė, ky problem nuk ekziston, pasi gazetat e mėdha e serioze i kanė ekspertėt tė atashuar brenda gazetės; nė shumė raste, vetė gazetarėt e kulturės janė specializuar si kritikė; ndonjė gazetar kulture nė Tiranė ka zėnė ta bėjė dhe ekspertin, shpesh dhe me njė farė kompetence, por shumica e tyre nuk janė nė gjendje tė guxojnė pėr tė shkruar artikuj kritikė nė kėtė lėmė).

Pėr kėtė arsye, ajo qė tė befason nė kėtė mes nuk ėshtė mungesa e shkrimeve kritike pėr njė ngjarje tė tillė, por ėshtė mungesa e raportimeve; ose nė rastin mė tė mirė, janė raportimet gazetareske krejt tė thata mbi kėtė ngjarje. Dikush mund tė thotė se shfaqja mund tė mos u ketė pėlqyer reporterėve, e prandaj ata s’e kanė marrė mundimin tė shkruajnė njė rresht, por kjo logjikė nuk shkon. Reporterėt kanė pėr detyrė tė informojnė publikun mbi njė ngjarje, dhe jo tė mbajnė qėndrime mbi bazėn e konsideratave personale. Kur njė ngjarje pėrbėn lajm, reporterit i duhet tė ulet e tė shkruajė se s’bėn lidhur me kėtė ngjarje pavarėsisht nga emocionet e opinionet e tij. Dhe shfaqjen e Elvis Pupės, edhe nė rastin kur e shohim si njė eksperimentim tė dėshtuar, nuk mund tė mos e trajtojmė si lajm, pasi sallat u mbushėn.

Por nuk besohet tė jetė ky shkaku qė gazetarėt nuk kanė shkruar. Shfaqja me titull “100 vjet, shteti mė i bukur nė Shqipėri” meritonte tė raportohej jo vetėm se pėrbėn njė risi nė skenėn e humorit shqiptar, jo vetėm se publiku ka mbushur sallat dhe e ka pėlqyer, por edhe sepse ishte njė shfaqje e mirė. Nuk ishte e mirė thjesht si provė e parė, as e mirė me standardin shqiptar e pėr publikun shqiptar. Jo, ishte njė shfaqje e mirė, dhe pikė. Kush shkon ta ndjekė nuk ka pėr tė mbetur syshqyer, afėrmendsh; nuk ka pėr tė parė tek Elvis Pupa as Roberto Benigni-n, as George Carlin-in, as ndonjė tjetėr tė kėsaj sėre. Por ėshtė e sigurt, se ka pėr t’u argėtuar.

Po rikthehem aty ku e nisa, te faqet e kulturės sė gazetave tona. As qė kish pėr t’mė shkuar mendja tė qortoja reporterėt e kulturės pse nuk kanė shkruar pėr shfaqjen nė fjalė sikur tė mos dija pėr ēfarė tjetėr ata shkruajnė. Gjatė fundjavės, nė njė numėr tė pėrditshmesh, nė faqet e kulturės, flitej si gjithnjė pėr momente rozė tė jetės sė njė numri personazhesh shpifarakė tė jetės sė kryeqytetit, tė cilėt dallohen pėr njė gjė: s’dinė tė bėjnė asgjė. Binin nė sy dhe dy intervista me njė zėdhėnėse bukuroshe tė njė partie, dhėnė dy gazetave tė ndryshme.

Kjo punė ėshtė me gazetat tona gjatė fundjavės. Madje, edhe gjatė ditėve tė javės. Ja, mė thoni ju tani: Cila ngjarje pėrbėn mė shumė lajm pėr faqet e kulturės, ēaprashitja e njė zėdhėnėseje partie mbi idealet e saj nė jetė, apo njė show, pėr tė cilin autorėt kanė punuar pėr muaj tė tėrė?
Shkruani komentin tuaj!
Të fundit nga ky opinionist
 
.