Leje për rrënim, assesi për ndërtim!
nga Iljasa Salihu
Në Kosovë, inspektorët me ndihmën e policisë, me urdhër ligjor ia mësyen rrënimit të ndërtesave pa leje. Në dëgjim dhe shikim të parë secili nënvetëdijshëm do të thoshte, i lumtë drejtësisë që po na shpëton prej ngufatjes së rrokaqiejve dhe rrugëve që janë trajtësuar në vraga delesh. Nuk duhet shumë kohë që të këndellesh e të shohesh se ndërtesat mu në kryeqytet të vendit janë ngul pa asnjë plan, pra pa leje, sepse vetëm një lejedhënës i çmendur mund të lejojë kësi lloj ndërtimesh të çakërdisura, larg çdo standarti të arkitekurës së shëndoshë. Ndërsa përgjegjësit për këtë bjeshkë të egër ndërtimi heshtin, apo arsyetohen me posedim të lejës! Njerëzisht, jo çdo leje që merret prej të korruptuarve mund të jetë e ligjshme, ngase në këtë rast të ligjëson zyrtarisht krimineli jozyrtar. Për këtë arsye, siç thoshte edhe një mik imi në Prishtinë, Prishtina mund të jetë gjithçka, por pasqyr e një kryeqyteti assesi, i cili është i ngjeshur edhe me universitete e ministri të ndryshme, lokomotiva këto që duhej t’i prijnë mirëqenies.
Vërtetë ishte rrëqethës lajmi për ndalimin e një xhamie në Breg të Diellit (Matiqan) të Kosovës dhe gatishmëria e besimtarëve të asaj ane të flijoheshin edhe me jetët e tyre, vetëm e vetëm që xhamia të mos ndërpritet dhe të mos rrënohet. Arsyetimi i inspektorëve dhe i policisë ishte se ky ndërtim nuk kishte leje. Sigurisht që nuk ka leje, ngase ata për vende ku thirren në adhurim të dëlirë ndaj Zotit, në gjetje prehje në shtëpinë ku besimtari i përulet vetëm Krijuesit të tij, urdhërdhënësi i tyre, pra shteti shekullar nuk jepë leje, apo këtë me shumë vështirësi e bënë, edhe atë, trualli duhet të puqet me shijen e atyre që japin leje për ndërtime strategjike arkitekturore. Nga ajo që çdo ditë po shihet, del se vetëm në Kosovë ligji gjenë shtrat të ngrohtë të zbatimit kur është fjala për ndërtim pa leje të xhamive. Habitshëm që një popull me 95 përqind të besimit islam, ka të drejtë vetëm 5 përqind dhe për 95 përqind të tjera ai nënçmohet rëndë.
Në Ohër të Maqedonisë, shteti i ndëroi 365 kisha! Në Shkup, ngjeshur nën hijen e kryqit të lartë ke kisha. Në Bushtran të Preshevës u ndërtua një xhami dhe të tjerët pohuan se ky ndërtim është në kundërshtim me ligjin për planifikim ndërtimi. Ajo u ndërtua dhe askush nuk shikojë drejtësi përballë asaj bjeshke të padrejtësive. Vallë gjithë këto kisha e xhamia në Serbi e Maqedoni kanë leje ndërimi? Fundja xhamitë ndërtohet, sepse besimtarët vërtetë kanë nevojë, kurse dihet mirëfilli i kishave, që më shumë ndërtohet për inati tonë, sesa për nevojë të atyre. Nëse katedralja politike në Prishtinë paska leje prej shtetit të pafuqishëm ndaj parandalimit dhe luftimit të korrupsionit, ajo kurrë nuk do të ketë leje dhe ligjshmëri prej popullit.
Kjo është rrëqethje! Të ndalet punimi dhe ajo pjesë e ndërtuar të rrënohet në Breg të Diellit, vërtetë kjo tejkalon çdo dispozitë fetare, pastaj edhe çdo logjikë njerëzore. Kësisoj, askush mos të ngrihet dhe t’i akuzojë ata për jehonën e tyre që vetë imazhit të shtetit mund të mos i pëlqejë, ngase ai që rrënon vetëm xhamia dhe lejon çdo ndërtesë tjetër që rrugët i shndërron në rrugica, pamjet në trishtim dhe ajrin në erë të pështirë, aty nuk mund të flasim për institucion lejedhënës, por në institucion që ngjan me oxhaqet e fabrikave të pakontrolluara prej askujt, të cilët ngadalë mbysin çdo gjë të gjallë!

Shkruani komentin tuaj!
Të fundit nga ky opinionist
 
Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. 

Ai ka liruar te gjithe pasagjeret, por jo ekuipazhin e avionit

Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. Ai ka liruar te gjithe pasagjeret, por jo ekuipazhin e avionit