Për kë bien këmbanat!
nga Destan Jonuzi
Në pah se fajtorin "kujdestar" për zënkat midis tyre dy partit politike maqedonase VMRO dhe LSDM do ta gjejnë dhe kërkojnë në mesin e shqiptarëve ndërsa buxheti si çdo herë është hartuar edhe kësaj here në interes vetëm të zonave maqedonase.

Ngjarjet e 24 dhjetorit në parlamentin e Maqedonisë treguan qartë se Maqedonia ende nuk është e përgatitur për tu ballafaqur me argumentet e tryezës dhe 'betejën' institucionale si formën më demokratike të pluralizmit politik në gjitha vendet demokratike.

Nuk dua që të fokusohem në analiza të buxhetit të Maqedonisë për vitin 2013 për arsye se skajshmërisht si asnjëher më parë shqiptarët e Maqedonisë diskriminohen. Nuk do mend që një analizë dhe përfundim të till mund ta jep çdo qytetarë shqiptarë.

Vetëm nëse analizohen mejetet për aktivitete kulturore që ju ndahen komunave shqiptare e që janë baraz me 0 mund të konstatohet se gjitha komunat shqiptare nuk kanë buxhet komunal për aktivitete kulturore as sa një përmendore e projekti "2014".

Më 24 dhjetor nuk u thye asnjë kusht përpos kushtit për të qenë vend anëtar i Bashkimit Evropian dhe NATO-së. Athua në vendet e NATO-s nuk ndodhin ngjarje të tilla? Mund të pyes dikush. Pa dyshim se PO. Por ama, në postulatet më të larta të NATO-s dhe Bashkimit Evropian siguria e qytetarit të thjeshtë dhe demokracia plurale janë mbi të gjitha. Ndërsa te ne u dëshmua se kjo nuk është ashtu.

Nga këtu edhe përfundimi se kemi humbur një shansë për të qenë pjesë e këtyre strukrurave evropian edhe pse ne shqiptarët për disa vite rresht besojmë marrëzisht në politikanët tonë për të anëtarsuar vendin në Bashkimin Evropian.

Dëgjova dhe lexova edhe shumë komente lidhur me pjesmarjen e partive politike shqiptare në votimin e buxhetit të Maqedonisë për vitin 2013. Pa përjashtime prezenca e BDI-së në seancën plenare parlamentare ku u votua buxheti nuk mund të kontestohet pasi që është pjesë e kabinetit të qverisë "Gruevski 3", ndërsa akuzat ishin për pjesmarrjen e partisë opozitare PDSh në këtë seancë. Edhe pse kjo parti votoj kundër buxhetit 2013.

Këtë të gjithë por edhe klasa analitike duhet ta kuptoj si një begati në demokraci. Madje siç patë deklaruar edhe lideri i kësaj partie në një emision debativ në Tiranë, PDSh e ka paguar shtrejtë bojkotin e institucioneve.

Athua prezenca në këtë seancë nënkupton se PDSH-ja mëson nga gabimet e së kaluarës.

Çfarë pas 24 dhjetorit?!
Pas ndodhive në parlamentin e Maqedonisë opozita maqedonase deklaroi se nuk do të ndjek punën e parlamentit. Kjo fletë se parlamentit të Maqedonisë deri në një kompromis të ardhëshëm do i mungoj debati dhe demokracia parlamentare edhe pse në të marrin pjesë edhe disa parti tjera opozitare.

Pas kësaj doli në pah se fajtorin "kujdestar" për zënkat midis tyre dy partit politike maqedonase VMRO dhe LSDM do ta gjejnë dhe kërkojnë në mesin e shqiptarëve ndërsa buxheti si çdo herë është hartuar edhe kësaj here në interes vetëm të zonave maqedonase.

Pse them kështu, për arsye se menjëher pas kësaj analistë dhe media të afërta me pushtetin filluan të akuzojnë se gjoja diaspora shqiptare kërcnon ato ndërsa pjestarë të opozitës se Brankua ka shkulur flamurin shqiptar nga Tetova dhe Gostivar ndërsa Gruevski ka lejur që me rastin e 100 vjetorit Maqedonia të bëhet Shqipëri.

Maskarenj e jo mahi.

Tani dua të rikujtoi që dy blloqet maqedonase se më këto mend asnjëher nuk mund të bëhen pjesë as e NATO-s ku është edhe Shqipëria, Greqia ... e as e Bashkimit Evropian ku është ...Greqia dhe Bullgaria....

Së fundmi bashkëjetesa e shqiptarëve në Maqedoni ka qenë paqësore vetëm atëhere kur shqiptarët kanë pranuar të jenë qytetarë të dorës së dytë. Ndërsa kur shqiptarët kanë kërkuar të jenë të barabartë, bashkëjetesa ka qenë e trazuar deri edhe me kryengritje siç ndodhi në vitin 2001, por që mjerisht mbeti në mes të rrugës.

Edhe sot që po flasim, shqiptarët në Maqedoni vazhdojnë të jenë qytetarë të dorës së dytë. Po ju sjell disa shembuj: Sot shqiptarët në maqedoni nuk kanë ligj të përdorin Flamurin Kombëtar, ai u anulua në vitin 2007.

Marrëveshja e Ohrit, ishte një marrëveshje që shpëtoi Maqedoninë nga shpërbërja. Por shikoni se çfarë ndodh, caktohet një zëvendës kryeministër për zbatimin e saj dhe ai gjithëmon është shqiptar. Nënteksti është i qartë: Po ju japim një lëmoshë, po i ndërrojmë kursin Marrëveshjes, po e trajtojmë atë thjesht si një lëshim ndaj shqiptarëve.

Autori është botues dhe kryeredaktor i portalit Express.mk
Shkruani komentin tuaj!
Të fundit nga ky opinionist
 
Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian