O sa mirë të jesh shkupjan ...
nga Destan Jonuzi
Përfundimisht Shkupit, qytetit të lashtë shqiptarë ... Shkupit të Sylejman Vokshit, Azem Maranës e Hasan Prishtinës ju stolis emri me emrat që meritojnë të jenë pjesë e këtij qyteti. Përfundimisht pas më shumë viteve e shekujsh rrugët dhe shkollat e Shkupit filluan të frymojnë shqip.

Për ne që Shkupin e kemi djep lindje, kjo padyshim se është një arritje e shënuar, që për herë të parë pas shumë dekadave Shkupi do të mbajë emrat e personaliteteve dhe ngjarjeve historike shqiptare.

Pas më shumë dekadave të nëpërkëmbjes së dinjitetit tonë kombëtar përfundimisht qytetarët e shkupit, kanë arritur që vlerat e tyre kombëtare ti ngrejnë në nivelin më të lartë, tja kthejnë dinjitetin jo vetëm vetes por edhe qytetit ku jetojnë.

Për disa vite në aspektin e të arriturave kombëtare Shkupi ka arritur të barazohet me metropolet shqiptre Tiranën e Prishtinë, kjo falë angazhimit të të gjithë atyre që Shkupin e shikojn si qytetin e tyre, ku nga balta e oboreve të çerdheve e deri në ahengjet gjimaziste e brucoshiadat studentore kanë pirë çajn te 'abia' në çarshin e vjetër të Shkupit dhe bozën në Bit Pazar.

Për tjerët ndoshta nuk mund të jetë kjo edhe ndonjë arritje e madhe, por mjafton që fëmijët tanë që sot janë nëpër Çerdhet e Shkupit nesër me krenari të theksojnë se mësojnë në shkollën Ismali Qemali, Hasan Prishtina... apo për të gjithë tjerët të thonë se jetojë në rrugën Juzuf Gërvalla, Azem Marana, Bajram Curi, Iliria etj...

Kjo është një e arritur që krenohen gjeneratat e tanishme por aq më shumë edhe gjeneratat e ardhëshme...

Bisedë pas bisede me një mik timin nga Tirana, më tha se në aspektin e ngritjesë së vlerave kombëtare Shkupi theu akullin me vendosjen e bustit të Skenderbeut dhe tani vulosë këto projekte me emërimet shqiptare dhe më ndërtimin e sheshit Skënderbeu.

Pa dyshim që si çdo shkupjan tjetër që i gëzohet velrave të qytetit që për të është i mirë edhe kur është ftohtë edhe kur temperaturat ngriten ....

Shkupjanët krenohen me qytetin e tyre, ata për asnjë çastë nuk janë thyer gjatë gjithë kohës komuniste dhe poskomuniste. Edhe përskaj padrejtësive të shumta që i janë bërë këtij qyteti Shkupi dhe bijtë e tij përfundimisht arritën që me mund e djerës ta kthejnë këtë qytet në qendër zhvillimeve të gjithmbarëshme kombëtare.

Desha të them se tani me të vërtet Shkupit shumë i shkon për shtati shprehja 'O sa mirë që jemi shkupjan oe...'.
Shkruani komentin tuaj!
Të fundit nga ky opinionist
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com