Mediat britanike kanë raportuar se vajzat shqiptare janë një ndër grupet më të mëdha të prostitucionit në këtë shtet.

Në një raport të publikuar nga Salvation Army në Britaninë e Madhe ka bërë të ditur se shifrat e sklalvërisë moderne janë rritur frikshëm, veçanërisht për femrat shqiptare, të skllavëruara në dy mënyra.

Sipas raportit, trafikantët e qënieve njerëzore në Angli po përdorin drogë dhe alkool për ti mbajtur nën kontroll dhe më pas për ti shfrytëzuar në punë skllavëruese dhe shfrytëzim seksual brenda vendit, njoftoi Salvatian Army.

Kathy Betteridge, drejtore e anti-trafikimit dhe skllavërisë moderne për Salvation Army tha se megjithëse shifrat ishin ende të ulëta krahasuar me viktimat e trafikimit nga kombësitë e tjera, 86 britanikë iu drejtuan shërbimeve të tyre nga qershori 2017 deri në korrik 2018, dukuria ishte në rritje dhe shqetësuese.

Ndërsa, nga kombësi të tjera, kanë qënë 1856 viktima të skllavërisë që iu drejtuan për ndihmë Salvation Army brenda një viti, nga korriku 2017 deri ën korrik 2018. Shumica, 45% kishin përjetuar punë të detyruar, 42% ishin shfrytëzuar seksualisht dhe 14% ishin në robëri shtëpiake. Grupi më i madh ishte ai i femrave shqiptare, që kishin qënë të trafikuara për shfrytëzim seksual nga grupet kriminale,” theksohet në raport. /albeu,com.