Një banesë është përfshirë nga flakët në Elbasan duke u djegur pjesërisht. Policia bën me dije se zjarri është shuar, por shtetasi 85-vjeçar që ndodhej në banesë ka pësuar djegie dhe ndodhet në gjendje të rëndë në spital.
Njoftimi i policisë:
Elbasan/Informacion paraprak
Më datë 25.11.2021, rreth orës 12:15, në fshatin Kuqan, Elbasan, ka rënë zjarr në banesën e shtetasit N. K. Si pasojë është djegur pjesërisht banesa dhe është dëmtuar nga flakët shtetasi N. K., 85 vjeç, i cili ndodhet në gjendje të rëndë shëndetësore.
Shërbimet zjarrfikëse kanë bërë të mundur fikjen e zjarrit.
Nga veprimet hetimore paraprake të kryera dyshohet se ngjarja është aksidentale.
