Mikel Arteta po kërkon të forcojë më tej skuadrën e tij të Arsenalit në merkaton e janarit duke lëvizur për dy lojtarë të Juventusit, Arthur Melo dhe Dejan Kulusevski.
Tashmë është bërë kontakt me kampin e Kulusevskit për një lëvizje, pasi ata shpresojnë të sigurojnë nënshkrimin e tij për rreth 29.5 milionë euro plus bonuse, por Juventusi kërkon 40 milionë euro.
Vlen të kujtohet se 21-vjeçari Kulusevski bëri lëvizjen te Juventusi për 35 milionë euro në verën e vitit 2020 pas sezonit të tij të spikatur në huazim te Parma nga Atalanta, ku u kurorëzua si lojtari më i mirë i ri i Serisë A 2019/20.
Ai luftoi për të krijuar një vend të rregullt në skuadër nën drejtimin e Andrea Pirlos dhe është një histori e ngjashme nën drejtimin e trajnerit aktual Massimiliano Allegri, kështu që ai ka të ngjarë të largohet nga Torino në muajt e ardhshëm.
Arthur është në një pozicion të ngjashëm për sa i përket lojës, pasi ka grumbulluar vetëm 101 minuta deri më tani këtë sezon pasi e gjen veten pas lojtarëve si Manuel Locatelli dhe Rodrigo Bentancur në renditje./ h.ll/albeu.com
