I refuzoi propozimin për martesë, i riu i futet me dhunë në shtëpi 20-vjeçares dhe e kërcënon me jetë

Policia e Kuçovës ka vënë në pranga një 31-vjeçar në këtë qytet pasi ka kanosur një vajzë të re, 20 vjeç, e cila refuzoi propozimin për martesë.

Ngjarja ka ndodhur në qytetin e Kuçovës, në banesën e vajzës së re. Policia ka mundur të arrestojë 31-vjeçarin me inicialet B.C, pasi ky i fundit ka hyrë pa leje në banesën e 20-vjeçares.

Ai e ka kërcënuar dhe shtrënguar në mënyrë që e reja ta pranonte propozimin e tij për martesë. I riu tashmë është vënë në pranga dhe materialet për këtë çështje i kaluan Prokurorisë së Beratit.

NJOFTIMI I POLICISË:

‘Nga specialistët e Seksionit për Krimet në Stacionin e Policisë Dimal u bë arrestimi i shtetasit B.C., 31 vjeç, pasi ka hyrë pa leje në banesën e një shtetase 20-vjeçare duke e kanosur dhe shtrënguar në mënyrë që vajza të pranonte propozimin për martesë.Materialet i kaluan Prokurorisë së Rrethit Gjyqësor Berat, për veprime të mëtejshme. /albeu.com/

 

 


Shtuar 9.10.2021 11:35