"Zgjohu" dënon dhunën në Klan Kosova
Pëlqej
Lëvizja Qytetare ZGJOHU! dënon ashpër dhunën e shfaqur në hapësirat e TV Klan Kosova si rezultat i ndërhyrjes së vrazhdtë të ish deputetit Gani Geci në studion e televizionit të lartëpërmendur gjatë realizimit të emisionit Zona e Debatit.

"ZGJOHU! është e shqetësuar nga lehtësia e ndërhyrjeve në integritetin e mediave dhe gazetarëve në Kosovë nga ana e politikanëve të papërgjegjshëm. Ky shqetësim u konstatua edhe në raportin e progresit të Bashkimit Evropian për Kosovën, të botuar dje në Bruksel. Sipas raportit të BE, gazetarët shpesh vihen nën presionin e "zyrtarëve të zgjedhur" dhe interesave ekonomike. Situatë e ngjajshme u konstatua edhe në raportet e organizatave ndërkombëtare që monitorojnë lirinë e mediave në Kosovë", thuhet në reagim.

Demokracia e Kosovës peshohet edhe nga respektimi i fjalës së lirë dhe inkurajimi i diversiteteve të opinioneve politike dhe shoqërore. Është absolutisht e papranueshme për një shoqëri demokratike që të cenohet liria e fjalës dhe mediave.

ZGJOHU! gjykon që autoritetet në Kosovë duhet të përkujdesën për mbrojtje institucionale të gazetarëve dhe mediave si dhe të dënojnë çdo ndërhyrje ndaj mediave në vend. Gjithashtu, subjekti politik LDD duhet të prononcohet në lidhje me këtë ngjarje dhe në rast se konstatohet dhuna e z. Geci, t’a denojë dhe të distancohet nga aktet e pamatura të një zyrtari të lartë të kësaj partie. (albeu.com)
Shtuar më 10/11/2010, ora 11:36
Shkruani komentin tuaj!
Të fundit nga kjo kategori