Zgjedhjet në Maqedoninë e Veriut: Kjo është ndarja e mandateve mes partive

Koalicioni “Mundemi” i udhëhequr nga LSDM në Maqedoninë e Veriut në përbërjen e re parlamentare do të ketë 46 deputetë. Ndërsa, koalicioni i udhëhequr nga VMRO-DPMNE, 44 deputetë, BDI, 15, Aleanca për Shqiptarët dhe Alternativa 12, E Majta dy dhe PDSH një deputet.

Kështu pasqyrohet ndarja në bazë të simulimit të Komisionit Shtetëror të Zgjedhjeve në bazë të rezultateve fillestare jozyrtare nga zgjedhjet e parakohshme parlamentare, nga 3.421 qendra votimi.

Nëntë partitë dhe koalicionet e tjera që morën pjesë në zgjedhje nuk kanë fituar mandat deputetësh.

Koalicioni i LSDM-së ka më shumë vota 324.084 ose 36.12 për qind, përpara koalicionit të VMRO-DPMNE-së me 312.745 vota ose 34.85 për qind, BDI 101.432 ose 11.3 për qind, Aleanca për Shqiptarët dhe Alternativa 76.425 ose 8.57, E Majta 37.420 ose 4.17, ndërsa PDSH 13.563 ose 1.51 për qind.
Shtuar më 16/07/2020, ora 08:43

Shkruani komentin tuaj!
Të fundit nga kjo kategori