Xhaferri i dërgon telegram ngushëllimi ministres Mirela Kumbaro
Musa Xhaferri, Zëvendëskryetari i Qeverisë së Republikës së Maqedonisë, dje i ka dërguar një telegram ngushëllimi ministres së Kulturës së Republikës së Shqipërisë, Mirela Kumbaro, me rastin e vdekjes së artistes së madhe shqiptare Vaçe Zela. Përmes telegramit ai shpreh ngushëllimet e tij dhe të Qeverisë së Maqedonisë për ndarjen nga jeta të artistes së madhe Vaçe Zela.

"Në emrin tim dhe të Qeverisë se Republikës së Maqedonisë pranoni ngushëllimet më të sinqerta për ndarjen nga jeta të arstistes së madhe Vaçe Zela.

Vaçe Zela me krijimtarinë e saj artistike bëri që arti shqiptar të kapërcej kufijtë kombëtar duke u bërë emblemë e kulturës dhe këngës shqiptare në veçanti.

Vaçe Zela do të kujtohet për jetë e mot edhe ndër ne shqiptarët në Maqedoni si Nder i Kombit, sepse me këngën dhe zërin e saj mbajti gjallë dashurinë për jetën dhe rrënjët tona", thuhet në telegram ngushëllimin e zëvendëskryeministrit Xhaferri. /albeu.com/
Shtuar më 09/02/2014, ora 10:37

Shkruani komentin tuaj!
Të fundit nga kjo kategori