Ministri i Mbrojtjes së Maqedonisë, Talat Xhaferi, bashkë me një delegacion nga Qeveria e Republikës së Maqedonisë, ka kryer homazhe pranë varrit të ish presidentit të vendit, Boris Trajkovski, me rastin e 9-vjetorit të tragjedisë ajrore të Mostarit.


Zëvendësministri i mbrojtjes së Republikës së Maqedonisë, Emil Dimitriev, nga ana tjetër, si pjesë e një delegacioni më të madh nga vendi, sot vendosi kurorë në monumentin përkujtimor në vendin Rotimlje, afër Mostarit, Bosnjë e Hercegovinë.

Në përbërje të delegacionit qeveritar për nderim përkujtimor në Bosnjë e Hercegovinë, nga Ministria e Mbrojtjes dhe ARM, përveç zëvendës ministrit të mbrojtjes, Dimitriev merr pjesë edhe Shefi i Shtabit të Përgjithshëm të ARM-së, gjeneral brigade Dimçe Petrovski. Gjithashtu, në monument vendosën kurorë edhe një delegacion nga Bosnja e Hercegovina, ekipi mjekësor i ARM-së, i cili është pjesë e operacionit ALTHEA, një delegacion nga qyteti i Mostarit, trupi diplomatik si dhe Shoqata e Maqedonasve në Bosnje Hercegovinë. /albeu.com/