Vrasjet misterioze çojnë Maqedoninë drejt humnerës
Me rastin e vdekjes misterioze të ish pjesëtarit të UÇK-së, Ibrahim Sulejmani, grupi nismëtar i Lidhjes së Diasporës Shqiptare për Maqedoni, me ne krye Xhevat Sherifi, reagon ashpër ndaj kësaj vdekje misterioze. Lidhja e Diasporës Shqiptare për Maqedoni kërkon urgjentisht ndriçimin e plotë dhe sa më të shpejtë të këtij rasti, njofton INA.

Lidhja e Diasporës Shqiptare për Maqedoni dyshon se instutucionet përkatëse në Maqedoni do t’i marrin të gjitha aktivitetet e nevojshme për zbardhjen dhe ndriçimin e plotë të këtij rasti. Po ashtu Lidhja e Diasporës Shqiptare për Maqedoni dyshon në kapacitetin institucional të përfaqësuesve shqiptarë në pushtet që të zbardhin rastin në fjalë.

Duke e pasur këtë parasysh, Lidhja e Diasporës Shqiptare për Maqedoni kërkonë nga faktori ndërkombëtarë në Maqedoni, dhe posaçërisht nga ambasada e SHBA dhe Unioni Evropian që t’i ushtrojnë trysni qeverisë së Shkupit që ta zbardh rastin.

Po ashtu ftojmë OSBE-në si dhe Kryqin e Kuq ndërkombëtarë, që në kuadër të mandatit të tyre, t’i marrin hapat e nevojshëm që ky rast të mos mbetet i pandriçuar, pasi rasti i të ndjerit ka qenë me aktakuzë për krime lufte dhe kundër njerëzisë, ndërsa Maqedonia nuk e ka këtë mandat.

Ndonëse me punën e tij Avokati i Popullit Ixhet Memeti nuk na ka bindur se ka kapacitet për t’i mbrojtur të drejtat e qytetarëve shqiptarë në Maqedoni, sidoqoftë ai e ka obligim kombëtarë dhe në të njejtën kohë edhe obligim profesional që të jep maksimumin për shpalosjen e rastit në fjalë.

Ky rast nuk është i pari që shqiptarët të vdesin (vriten) nëpër burgjet e Maqedonisë. Të gjitha këto raste vetëm rëndojnë edhe ashtu raportet e brishta ndëretnike. /albeu.com/
Shtuar më 04/10/2012, ora 09:21

Shkruani komentin tuaj!
Të fundit nga kjo kategori