Partia maqedonase në pushtet, VMRO-DPMNE ka paralajmëruar se në muajin nëntor do të mbahen zgjedhje të jashtëzakonshme, në rast se LSDM-ja nuk kthehet në Kuvend.

“Në rast se deputetët e opozitës të udhëhequr nga LSDM nuk kthehen në Parlament, në muajin nëntor do të shpallen zgjedhje të parakohshme parlamentare”, deklaroi shefi i grupit parlamentar të VMRO-DPMNE, Ilija Dimovski në një intervistë për televizionin Telma, trasnmeton INA.

Kryetari i Parlamentit Trajko Veljanovski gjithashtu i bëri thirrje opozitës që të kthehet në Parlament deri më 8 tetor./albeu.com/