"Vizer" hap 300 vende pune
Kompania ajrore hungareze Vizer me subvencione të Qeverisë sot paralajmëroi operim në gjashtë destinacione të reja nga Maqedonia me çmime të cilat në një drejtim duke përfshirë edhe taksat e aeroportit do të jenë prej 8,99 euro deri në 17,99 euro, raporton Zhurnal.

Pas nënshkrimit të Marrëveshjes për subvencionim me ministrin e Transportit dhe Lidhjeve Mile Janakieski, nënkryetari ekzekutiv i Vizerit, John Stivenson njoftoi se investimi për fillimin me operimin e destinacioneve të reja do të kushtojë 80 milionë dollarë që do të shoqërohet me hapjen e 300 vendeve të reja të punës.

Nga 28 tetori i këtij viti Vizer duhet të fillojë me fluturime nga Shkupi drejt Dortmundit dhe Ajnhovenit, ndërsa çmimi i biletave të cilat tashmë janë në shitje në një drejtim bashkë me taksat do të jetë 12,99, gjegjësisht 17,99 euro.

Dy herë në javë aviotransportuesi hungarez do të qarkullojë drejt Malmos, Milanos dhe Mynihut nga 29 tetori, për ku biletat do të kushtojnë nga 17,99 euro dhe 8,99 euro.

Tri herë në javë Vizer do të udhëtojë deri në Basel nga 30 tetori, ndërsa çmimi i biletës është, gjithashtu, 17,99 euro. Nga fluturimi i radhës, sipas Stivensonit, Vizer do të vendos fluturime edhe drejt Brukselit, ndërsa mendohet edhe për në Romë dhe Barcelonë varësisht prej nevojave të qytetarëve.

Planet e kompanisë janë të angazhojë të punësuar të popullatës lokale. Fillimisht kuadri i pilotëve do të jetë prej jashtë, por më vonë planifikohet angazhim nga Maqedonia. Për subvencionimin e Vizerit, Qeveria e Maqedonisë në pajtim me Marrëveshjen e nënshkruar trevjeçare do të ndajë 306 milionë denarë.

Ministri i Transportit dhe Lidhjeve, Mile Janakieski vlerësoi se destinacionet të cilat vendosen nga vjeshta me subvencionimin e Vizerit janë atraktive dhe do t'u përgjigjen nevojave të qytetarëve për t'u lidhur me Evropën. /albeu.com/
Shtuar më 20/06/2012, ora 14:27

Shkruani komentin tuaj!
Të fundit nga kjo kategori