Veseli i RDK dhe Sela i LR-PDSH në "luftë" për vulat e partisë
Partitë shqiptare ende pa filluar fushata elektorale kanë filluar të zihen për vulat e partisë. Vesel Memedi I RDK- që është në koalicion parazgjedhur me UNITETI e Gëzim Ostrenit, janë në betejë për vulat me partinë e Zijadin Selës

Vulat mbajnë mbishkrimin Aleanca për Shqiptarët. Të dyja palët pretendojnë se kanë të drejtën e vulvae, por partia e Selës ka premtuar se do të ndjek rrugën ligjore. Në anën tjetër Veseli, edhe më parë kishte problem me vulat me partinë e RDK-së e cila u nda në dysh, por në fund Veseli doli fitues dhe mbajti vulat.

Tani pritet të shohim se cili do të jetë epilogu I kësaj zënke kur dihet se të dy liderët si Veseli ashtu edhe Sela, janë në koalicionin qeveritar së bashku me BDI dhe LSDM.

Flakron Bexheti zyrtar i lartë i partisë së Selës, ka pohuar se ata dëshirojnë të marrin vota në emër të Aleancës Shqiptare dhe tentojnë të de-fokusojnë elektoratin shqiptar. Në anën tjetër ka mbetur edhe pak kohë kur duhet të bëhet certifikimi i listave me emrat e kandidatëve për kryetar dhe këshilltar komunal. /albeu.com/

Shtuar më 17/09/2017, ora 20:41
Shkruani komentin tuaj!
Të fundit nga kjo kategori