Vendimi i Administratives: MPB të lëshojë numër të ri identifikimi për personat transgjinorë!
Drejtoria për udhëheqje të librave amë, duhet të anulojë numrin e identifikimit, ndërkaq MPB të nxjerr numër të ri për personat që më parë ka ndryshuar gjininë. Këtë vendim e ka sjellë Gjykata administrative , informojnë nga Shoqata e juristëve të rinj.

Prej këtu bëhet e ditur se për herë të parë është sjellë vendim nga ana e Gjykatës administrative, me çka juridikisht duhet vërtetuar ndryshimi i gjinisë në të dhënat amë.

"Pas ndryshimeve të të dhënave amë, Gjykata administrative e detyroi Ministrinë për Punë të Brendshme në RM në afat prej tre ditë të nxjerrë numër të ri identifikimi, që është i përshtatshëm në ndryshimin e gjinisë. Ky është vendimi i parë nga ana e Gjykatës administrative në RM që me plot të drejtë ligjore është vendosur ndryshimi i të dhënave amë sipas ndryshimeve faktike të gjinisë te personat transgjinorë , thuhet në lajmërimin e Shoqatës.

Procedura e ndryshimit të gjinisë në të dhënat amë për personat transgjinorë është përkrahje nga ana e projektit ‘’Mbrojtja e të drejtave të njeriut dhe grupeve të margjinalizuara në RM’’, e realizua nga ana e Shoqatës maqedonase të juristëve të rinj.

Procedurën para Gjykatës administrative e ka udhëhequr avokati Zharko Haxhi Zafirov si pjesë e grupit të avokatëve të asaj shoqate.

Shoqata në fjalë vazhdon të qëndron në mbrojtjen efektive për të drejtat e njeriut nëpërmjet praktikës pozitive e cila çon në ndryshime shoqërore, thonë nga Shoqata e juristëve të rinj.


Shtuar më 25/09/2017, ora 18:44

Shkruani komentin tuaj!
Të fundit nga kjo kategori