Vazhdon seanca për "Lagjen e Trimave", mbrojtja në listë ka 50 dëshmitarë
Sot vazhdon seanca për "Lagjen e Trimave" në Kumanovë, ku pritet të dëgjohen dëshmitarët e palës mbrojtëse.

Të enjten e kaluar, tre dëshmitarët Shaban Jashari, Murat Lutfiu dhe Viktor Denkovski nuk u paraqitën në gjykatë, ndërsa gjykatësja Verka Petrovska lejoi që prokurori Naum Panovski të lexojë dëshminë e parë që dëshmitari Shaban Jashari ka dhënë.

Të akuzuarit, para se të lexohet deklarata e dëshmitarit reaguan dhe rekomanduan të mos pranohen për faktin se është dhënë nën trysni.

Megjithatë gjykatësja nuk e ka pranuar kundërshtimin, dhe Panovski ka lexuar dëshminë e Jasharit.

Kujtojmë se vitin e kaluar në "Lagjen e Trimave" në Kumanovë, një grup i armatosur është përleshur me forcat e sigurisë të Maqedonisë, ku për pasojë u vranë 8 policë nga njësitet speciale dhe nga njësitet e veçanta të MPB-së, ndërsa 4 të tjerë u plagosën si dhe humbën jetën 10 pjesëtar të grupit të armatosur. /albeu.com/
Shtuar më 13/02/2017, ora 10:56

Shkruani komentin tuaj!
Të fundit nga kjo kategori